ގިނަ އަދަދެއްގެ ޝާހީ އަމުރުފުޅުތަކެއް ނެރުއްވާ، ސައުދީ އަރަބިއާގެ ސަރުކާރުގެ އިސް ބައެއް މަގާމްތަކަށް ސައުދީ ރަސްގެފާނު ބޮޑެތި ބަދަލުތަކެއް ގެންނަވައިފިއެވެ.
ހުކުރުދުވަހު، ރަސްގެފާނު ނެރުއްވި އަމުރުފުޅުތަކުން، ރަސްގެފާނުވަނީ ހައްޖު އެންޑް އުމްރާ މިނިސްޓަރަކަށް އާބޭފުޅަކު އައްޔަން ކުރައްވާފައެވެ. މިގޮތުން މިގަމާމަށް އައްޔަން ކުރައްވާފައިވަނީ، މިހާރުވެސް ހައްޖު އެންޑް އުމްރާގެ ސްޓޭޓް މިނިސްޓަރު ކަމުގައި ހުންނެވި، ކައުންސިލް އޮފް މިނިސްޓަރުންގެ ތެރޭގައިވެސް ހިމެނިވަޑައިގަންނަވާ ޑރ. އިސާމް ބިން ސާދް ބިން ސައީދެވެ.
މިގޮތުން ރަސްގެފާނުވަނީ، ކުރިން ހައްޖު އެންޑް އުމްރާގެ މިނިސްޓަރު ކަމުގައި ހުންނެވި މުހައްމަދު ސާލިހު ބިން ތާހުރު ބެންޓެން އެމަގާމުން ވަކި ކުރައްވާފައެވެ.
އަދި މީގެއިތުރުން، ރަސްގެފާނު ވަނީ، ސައުދީ އަރަބިއާގެ ސުޕްރީމް އެޑްމިނިސްޓްރޭޓިވް ކޯޓުގެ އިސްވެރިއެއްގެ ގޮތުގައި ޝެއިޚް އަލީ ބިން ސުލެއިމާން މިނިސްޓަރުންގެ ފެންވަރުގައި ހަމަޖައްސަވާފައެވެ. މީގެ ކުރިން މިމަގާމުގައި ހުންނެވީ ޝެއިޚް އިބްރހިމް ބިން ސެލެއިމާން ބިން އަބުދުﷲ އަލް-ރަޝީދުއެވެ.
ސައުދީ އަރަބިއާގެ ޖެނެރަލް އޮތޯރިޓީ އޮފް ސިވިލް އޭވިއޭޝަންގެ މަގާމުގައި ކުރިން ހުންނެވި އަބުދުލް ހާދީ އަލް-މަންސޫރީ އެމަގާމުން ވަކިކޮށް، އަބުދުލް އަޒީޒު އަޒީޒު ދާހިޖް އެމަގާމަށް ހަމަޖެއްސުމަށްވެސް ސައުދީ ރަސްގެފާން ސަލްމާނު ނުރެއްވި ޝާހީ އަމުރުފުޅުން ވަނީ ހަމަޖައްސަވާފައެވެ.
