މިދިޔަ އަހަރު ޓީސީ ކުޅުނު ތަޖުރިބާކާރު ކުޅުންތެރިއާ އަކުރަމް އަބްދުލް ގަނީ (އަކޫ) ކުލަބް ވެލެންސިޔާ އަށް ސޮއިކޮށްފި އެވެ.
އަކްރަމް އެންމެ ފުރަތަމަ ވެލެންސިއާއާއި ގުޅުނީ 2006 ވަނަ އަހަރުގަ އެވެ. ކްލަބް ވެލެންސިއާ އިން ކެރިއަރު ފެށި އަކޫ ވަނީ 2007 ވަނަ އަހަރު ނިއު އަށް ބަދަލުވެފަ އެވެ. އޭގެ ފަހުން ވަނީ މާޒިޔާ އާއި ވިކްޓަރީ އަދި ވީބީ އައްޑޫ އެފްސީ އަށް ވެސް ކުޅެފަ އެވެ. އަލުން އޭނާ ނިއުއާ 2017 ވަަނަ އަހަރު ގުޅުނީ އޭގެ ކުރިން ވެލެންސިއާ އަށް ވެސް ކުޅުމަށް ފަހު އެވެ.
2018 ވަނައަހަރު ބަންގްލަދޭޝްގައި އޮތް ސާފް ކާމިޔާބުކޮށްދިން ރާއްޖޭގެ ޓީމުގައި މޮޅު ކުޅުމެއް ދެއްކި އަކޫ ޑިފެންސާއި މެދުތެރޭގެ ހުރިހާ މަގާމަކަށް ކުޅެވޭ ފެންވަރުގެ މޮޅު ކުޅުންތެރިއެކެވެ. އަދި 2017 ވަނަ އަހަރާއި 2018 އަހަރު ނިއު އިން ހޯދި ކާމިޔާބީތަކުގައި މުހިއްމު ދައުރެއް އަދާކުރި ކުޅުންތެރިއެކެވެ.
ފުރަތަމަ ޑިވިޝަނުގައި ވާދަކުރުމުގެ ގޮތުން ވެލެންސިއާ އިން ވެސް އަންނަނީ ޓީމު ވަރުގަދަ ކުރުމަށް މަސައްކަތްތަކެއް ކުރަމުންނެވެ. އެނގިފައިވާ ގޮތުގައި އެ ޓީމުން ވަނީ ގިނަ ކުޅުންތެރިންތަކެއްގެ ސޮއި ހޯދައިފަ އެވެ. ވެލެންސިއާއާ ގުޅުނު ކުޅުންތެރިންގެ ތެރޭގައި ސްޕެއިންގެ ހަތަރު ވަނަ ޑިވިޝަންގެ ކްލަބެއް ކަމަށްވާ ޔޫޑީ ކެނަލްސް އަށް އެންމެ ފަހުން ކުޅުނު ޒުވާން މިޑްފީލްޑަރު އިސްމާއިލް ޒާން އާމިރު ހިމެނެ އެވެ
މިއީ އަކުރަމް ވެލެންސިޔާ އަށް ބަދަލުވި ހަތަރު ވަނަ ފަހަރެވެ. ވެލެއިންސާއިން ދަނީ ސީޒަނަށް ތައްޔާރުވުމުގެ ގޮތުން މާދަމާ ޕްރެކްޓިސް ފެށުމަށް ނިންމާފަ އެވެ.
