މި ހަފްތާގައި، އިގިރޭސިވިލާތުގެ ޝާހީ އާއިލާއަށް ނިސްބަތްވާ ޕްރިންސް ހެރީއާއި އަދި އޭނާގެ އަނބިކަބަލުން ޑަޗެސް އޮފް ސަސެކްސް މޭގަން، ވަނީ ސީބީއެސްގެ ޕްރެސެންޓަރ ވިންފްރޭގެ ޝޯވްއަށް ދެެއްވި އިންޓަވިވްއެއްގައި ޝާހީ އާއިލާއާއި ދެބޭފުޅުން ދުރަށް ވަޑައިގަންނަވަން ޖެހިވަޑައިގެންނެވި ސަބަބުތައް ބަޔާން ކޮށްދީ، މި ސަބަބުތަކާއި ގުޅޭ އެތަކެއް ސިއްރުތަކެއް އާންމު ކުރައްވާފައެވެ.

މީގެތެރޭހައި ހިމެނޭ އެއް ވާހައަކައަކީ، މޭގަން އާޢި ޕްރިންސް ހެރީގެ ފުރަތަމަ ދަރިފުޅަށް ބަލިވެ އިންނަވަނިކޮށް، ޝާހީ އާއިލާގެ ތެރޭގައި ދެބޭފުޅުންގެ ފުރަތަމަ ދަރިފުޅުގެ މުސްތަގުބަލާ ގުޅޭގޮތުން ދެކެވިފައިވާ ވާހަކަތަކާ ގުޅޭ ތަފްސީލްތަކެވެ. މީގެތެރޭގައި މިދަރިފުޅަށް އަރުވާނެ ލަގަބަކާއި ބެގޭގޮތުން ކުރެވިގެން ދިޔަ މަޝްވަރާތަކުގެ ވާހަކަތައްވެސް ހިމެނެއެވެ.

"އެމީހުން ދައްކާފައިވާ ވާހަކަތަކުގެ ތެރޭގައި، އަހަރެންގެ ދަރިފުޅަކީ ޕަރިންސަކަށް ނުވަތަ ޕްރިންސެސްއަކަށް ވާން ބޭނުން ނުވާކަމަށް ވެސް ބުނެފައިވޭ، އޭރު އަދި އަހަރެންގެ ދަރިފުޅަކީ ކޮން ޖިންސެއްގެ ކުއްޖެއްކަމެއްވެސް އެގިފައެއް ނުވޭ، މިއީ ޝާހީ އުސޫލުތަކާ މުޅިން ޚިލާފުވެސް ކަމެއް،" މި އިންޓަވިވްގައި މޭގަން ވިދާޅުވެފައި ވެއެވެ.

އަލަށް އުފަންވާ ކުއްޖަކު ޕްރިންސްއަކަށް ވަނީ ކިހިނެއް؟

ޝާހީ އާއިލާއަށް އަލަށް އުފަންވާ ކުދިންގެ ތެރެއިން، ޕްރިންސުންގެ ލަގަބު، ނުވަތަ ހިޒް ރޯޔަލް ހައިނެސް (HRH)ގެ ލަގަބު ލިބޭކުދިން ކަޑައެޅިގެންދަނީ، 1917 ވަނަ އަހަރުގެ ނޮވެމްބަރުމަހު ކިންގ ޖޯރޖު V ނެރުއްވާފައިވާ ސިއްކަޖެހި ސިޓީ ފުޅު އެއީ އުސޫލު ކަމުގައި ބަލައިގެންނެވެ.

އިގިރޭސި ރަސްކަމުގެ ފަރާތުން ނެރުއްވާ، ސިއްކަޖެހި ލިޔުންތައް ބެލެވެނީ، އަގައުމުގައި ގާނޫނީ ލިޔުންތަކެއްގެ ގޮތުގައެވެ. އަދި މިލިޔުންތައް ޝާހީ އަމުރުތަކުގެ ގޮތުގައިވެސް ބެލެވެއެވެ. ނުވަތަ ވަކި ލަގަބެއް ދިނުމަށް ދެވޭ ހުއްދައެއްގެ ގޮތުގައި ބެލެވެއެވެ.

މިގޮތުން 1917 ވަނަ އަހަރު، ކިންގ ޖޯރޖު V ވަނީ، ޝާހީ ޚާންދާނުގެ މުނި ކާފަ ނުވަތަ މުނި މާމަ ދަރިންނަކީ ޕުރިންސުންކަމުގައި ކަޑަނޭޅުއްވުމަށް ނިންމަވާފައެވެ. އެހެންނަމަވެސް، ޕްރިންސް އޮފް ވޭލްސްގެ އެންމެ ދޮށީ ދަރިފުޅުގެ ދޮށީ ދަރިފުޅު މީގެތެރެއިން އިސްތިސްނާ ކުރައްވާފައިވެއެވެ.

މިއުސޫލުގެ ތެރެއިން މިއަދުގެ ހާލަތަށް ބަލާއިރު، ޝާހީ އާއިލާގެ މާމަ ދަރިންގެ ތެރެއިން، ޕްރިންސް އޮފް ވޭލްސް ޑަޔާނާގެ އެންމެ ދޮށީ ދަރިފުޅަކަށް ހުންނެވީ ޕްރިންސް ވިލިއަމްސްއެވެ. އަދި ޕްރިންސް ވިލިއަމްއަށް ލިބިވަޑައިގެންނެވި ދޮށީ ދަރިކަލުންނަކީ ޕްރިންސް ޖޯރޖްއެވެ. އެހެންކަމުން، ދުނިޔެއަށް އުފަން ވުމާއެކު، ޕްރިންސް ޖޯރޖު ވެގެންދިޔައީ ޝާހީ ޢާއިލާގެ ޕްރިންސްއެއްގެ ލަގަބު ލިބިގެންދިޔަ ކުއްޖަކަށެވެ.

އެހެންނަމަވެސް، ޕްރިންސް ހެރީއަށް ލިބިވަޑައިގެންނެވި ފިރިހެން ދަރިކަލުން އާޗީއަކީވެސް، އިގިރޭސި ރާނީގެ މުނި މާމަދަރިއަކަށް ވިނަމަވެސް، ޝާއީ އާއިލާއިން އަމަލް ކުރަމުންދާ އުސޫލުގެ ތެރެއިން ހެރީގެ އަލަތު ފިރިހެން ދަރިފުޅަށް ޕްރިންސެއްގެ ލަގަބު ލިބިގެނެއް ނުދާނެއެވެ.

އަދި ހަމަ މިއުސޫލުގެ ތެރެއިން ބަލާއިރު، ޕްރިންސް އޮފް ވޭލްސް ޑަޔާނާގެ ދޮށީ ދަރިކަލުން ޕްރިންސް ވިލިއަމްއަށް ދެވަނަ އަދި ތިންވަނައަށް ލިބިލެއްވި ފިރިހެން ދަރިކަލުން ޗާރލޮޓް އަދި ލުއިސްއަށްވެސް ޕްރިންސެއްގެ ލަގަބު ލިބިގެނެއް ނުދާނެއެވެ.

އެހެންނަމަވެސް، 2012 ވަނަ އަހަރުގެ ޑިސެމްބަރުމަހު މިހާރުގެ ރާނީ ވަނީ އެކަމަނާގެ ސިއްކަޖެހި ސިޓީފުޅެއް އާންމު ކުރައްވާފައެވެ. މި ސިޓީފުޅުގައި ވާގޮތުން، ޕްރިންސް ޗާލްސްއާއި ޕްރިންސް އޮފް ވޭލްސް ޑަޔަނާގެ ދޮށީ ފިރިހެން ދަރިފުޅު ޕްރިންސް ވިލިއަމްއަށް ލިބިލައްވާ ހުރިހާ ދަރިންނަށްވެސް ޕްރިންސް ނުވަތަ ޕްރިންސެސްގެ ލަގަބު ލިބިގެންދާނެއެވެ. އަދި ހިޒް ރޯޔަލް ހައިނެސް (HRH)، މި ލަގަބުވެސް ޕްރިންސް ވިލިއަމްއަށް ލިބިލައްވާ ހުރިހާ ބޭފުޅުންނަށް ލިބިގެންދާނެއެވެ.

އިގިރޭސި ޝާހީ އާއިލާއިން އަމަލް ކުރާ އުސޫލުތަކުން، ޕްރިންސް އަދި ޕްރިންސެސްއެއްގެ ލަގަބު ނަކަލް ވަމުންދާނީ، ފިރިހެން ދަރިންގެ ދަރިކޮޅުންނެވެ. އޭގެ މާނައަކީ، ރާނީއަށް މަންމަ ވިދާޅުވާ އަންހެން ދަރިފުޅެއް ކަމުގައިވާ ޕްރިންސެސް އޭންގެ އެއްވެސް ދަރިއަކަށް ޕްރިންސެއްގެ ލަގަބު ލިބިގެނެއް ނުދާނެއެވެ.

މޭގަންއާއި ހެރީގެ ދަރިފުޅު ޗާޗީއަށް ލިބޭނީ ކޮން ލަގަބެއް؟

1917 ވަނަ އަހަރުގެ ޝާހީ ޢާއިލާގެ ސިއްކަޖެހި ސިޓީފުޅަށް ބަލާއިރު، ޕްރިންސް ހެރީގެ ދަރިފުޅު ޗާޗީއަށްވެސް ޕްރިންސެއްގެ ލަގަބު ހައްގުވެގެން ދާނެއެވެ. އެހެން ނަމަވެސް، މިއަދަކުއެއް ނޫނެވެ.

ޑޫކު ޕްރިންސް ހެރީއާއި ޑަޗެސް އޮފް ސަސެކް މޭގަންގެ ދަރިންނަށް ޕްރިންސުންގެ ލަގަބު ލިބިގެންދާނީ، ހެރީގެ ބައްޕާފުޅު ޕްރިންސް ޗާލްސް އިގިރޭސި ރަސްކަމަށް އިސްވެ ވަޑައިގަންނަވާ ހިސާބުންނެވެ. ޗާލްސްއަކީ، އޭނާގެ މަންމާފުޅު، މިހާރުގެ ރާނީ އަވަހާރަވެ ވަޑައިގަތުމަށްފަހު އިގިރޭސި ތަޚުތައް އިސްވެވަޑައިގަންނަވާނެ ބޭފުޅާއެވެ. އެހާ ހިސާބުން، ޕްރިންސް ހެރީ އަދި ޕްރިންސް ވިލިއަމްގެ ބޭފުޅުންވެސް ވެގެންދާނީ، އިގިރޭސި ރަސްގެފާނުގެ ކާފަ ދަރިން ކަމުގައެވެ.

މިގޮތުން، ޝާހީ އާއިލާގެ މިހާރު އުސޫލުތަކުގެ ތެރެއިން އެހާތަނުން ޕްރިންސް ހެރީއާއި މޭގަންގެ ހުރިހާ ދަރިންނަށްވެސް ޕްރިންސުންގެ ލަގަބު ލިބިގެން ދާނެއެވެ.

މިސާލެއްގެ ގޮތުން، ޕްރިންސްް ޗާރލްސްގެ އެއްބަޑު އެއްބަފާ ކޮއްކޯފުޅު ޕްރިންސް އެންޑްރޫގެ ދަރިންކަމުގައިވާ ބީޓްރައިސްއާއި އިއުގެނީއަށްވެސް ޕްރިންސުންގެ ލަގަބު ލިބިގެން ދިޔައީ މިއުސޫލުގެ ދަށުން، މި ދެބޭފުޅުންނަކީ އިގިރޭސި ރާނީގެ މާމަ ދަރިންނަށް ވެގެންދިޔަ ހިސާބުންނެވެ.

މީޑީއާއަށް އިންޓަވިވް ދެއްވި އިރު، ޕްރިންސް ހެރީގެ އަނބިކަބަލުން، ޑަޗެކްސް އޮފް ސަސެކްސް މޭގަންއަށް، ޝާހީ އާއިލާގެ މިއުސޫލުތައް ރަގަޅަށް އެގިވަޑައި ނުގެން ހުންނެވުމަކީ މުސްތަހީލު ކަމެކެވެ.

އަދި މިއިންޓަވިވްގައި މޭގަން ވަނީ، ޖޯރޖް V އަދި ޖޯރޖު VI ގެ ކޮންވެންޝަނަށް (ޕްރިންސުންގެ ލަގަބު ދިނުމަށް އެކަށައެޅިފައިވާ ޒަމާންވީ އުސޫލުތަކަށް) ރިއާޔަތްވެސް ކުރައްވާފައެވެ. އޭގެ މާނައަކީ، ޕްރިންސް ހެރީއާއި މޭގަންގެ ދަރިފުޅު ޗާރޗީއަށް ޕްރިންސެއްގެ ލަގަބު ލިބިގެންދާނީ، ޕްރިންސް ހެރީގެ ބައްޕާފުޅު ޕްރިންސް ޗާރލްސް ރަސްކަމަށް އިސްވެވަޑައިގަތް ދުވަހަކުން ކަންވެސް މޭގަންއަށް ރަގަޅަށް އެގިލައްވާނެއެވެ.

އެހެންނަމަވެސް، އާޗީއަށް ބަލިވެ އިންނެވިއިރު، އުފަންވާ ދަރިފުޅަށް ޕްރިންސެއްގެ ލަގަބު އެރުވުމުގެ ގޮތުން، "ޕްރިންސުންގެ ލަގަބު ދިނުމުގެ އުސޫލަށް ބަދަލު ގެންނާނެ ވާހަކަ،" ޝާހީ އާއިލާއިން ވިދާޅުވެފައިވާކަމަށް މި އިންޓަވިއުގައި މޭގަން ވިދާޅުވެފައިވެއެވެ.

މި އިންޓަވިއުގައި، މި މަކަމާގުޅޭ އިތުރު އެއްވެސް ތަފްސީލެއް މޭގަން ދެއްވާފައެއް ނުވެއެވެ. އަދި އިގިރޭސި ޝާހީ ގަޑުވަރު، ބަކިމްހަމް ޕެލަސްއިންވެސް، މޭގަންގެ މިވާހަކަތަކާ ގުޅޭގޮތުން އެއްވެސް ވާހަކައެއް އަދި މިހާތަނަށް ހާމަކޮށްފައެވެ ނުވެއެވެ.