މެދު ނުކެޑި9 ދުވަސް ވަންދެން، މިޔަންމާގެ އަސްކަރިއްޔާއިން ގެނައި ބަޢާވާތާ ދެކޮޅަށް އެގައުމުގެ ރައްޔިތުން ކުރަމުންދާ މުޒާހިރާތައް ހުއްޓުވުމަށްޓަކާ، އެގައުމުގެ އަސްކަރީ ސަރުކާރުން ޓޭންކުތައް މަގުތަކަށް ނެރެ، މުޒާހިރާކުރާ ފަރާތްތައް ހައްޔަރުކުރަން ފަށައިފިއެވެ. އަދި މިޔަންމާގެ ބޮޑު ސަރަހައްދަކުން އިންޓަރނެޓްގެ ޚިދުމަތްވަނީ ކަޑާލާފައެވެ.
ޔޫއެންގެ ސެކެޓްރީ ޖެނެރަލް އެންޓޯނިއޯ ގުޓަރޭސް ނެރުއްވި ބަޔާނެއްގައި ވިދާޅުވެފައިވަނީ، މިޔަންމާރގެ މިވަގުތުގެ ހާލަތާ ގުޅޭގޮތުން އިންތިހާއަށް "ކަންބޮޑު ވެވަޑައިގަންނަވާ" ކަމަށެވެ. އަދި، "ސުލްހަވެރިކަމާއެކު މުޒާހިރާ ކުރަމުންދާ ފަރާތްތަކާ ދެކޮޅަށް ބާރުގެ ބޭނުންކުރުން އިތުރުވަމުން ދިއުމާ، އަދި މީގެ އިތުރުން، ހަގުރާމައިގެ ހަތިޔާރު ބޮޑެތި ސިޓީތަކަށް ނެރެ، މުޒާހިރާތައް ހުއްޓުވުމަށް އަސްކަރީ ސަރުކާރުން ކުރަމުންދާ މަސައްކަތްތަކާމެދު އިންތިހާއަށް ކަންބޮޑުވުން ހުރި" ކަމަށްވެސް ގުޓަރޭސްގެ މި ބަޔާނުގައި ވިދާޅުވެފައި ވެއެވެ.
ހުޅަގުގެ ގިނަ ގައުމުތަކަކުން، މީގެތެރޭގައި ޔޫރަޕިއަން ޔޫނިއަން، އިގިރޭސިވިލާތް، ކެނެޑާ އަދި އިތުރު 11 ގައުމެއް ހިމެނޭގޮތުން ނެރުނު ބަޔާނެއްގައި މިޔަންމާގެ އަސްކަރީ ސަރުކާރަށް ވަނީ، "ސުލްހަވެރިކަމާއެކު، އަދި އެމީހުން އިންތިޚާބުކުރި ސަރުކާރުގެ ދިފާޢުގައި މުޒާހިރާ ކުރާ ފަރާތްތަކާ ދެކޮޅަށް އެކަށީގެން ނުވާ ބާރުގެ ބޭނުން ނުކުރުމަށް،" ގޮވާލާފައެވެ.
"ސުލްހައާއި، މިނަވްނަކަމާއި އަދި ޑިމޮކްރަސީގެ ދިފާޢުގައި މިޔަންމާގެ ރައްޔިތުން ކުރަމުންދާ މުޒާހިރާތަކަށް އަހަރުމެން ތާއީދު ކުރަން، އަދި ދުނި މިއޮތީ ބަލަން،" މިބަޔާނުގައި ބަޔާން ކޮށްފައިވެއެވެ.
Statement by Ambassadors to Myanmar: "We support the people of Myanmar in their quest for democracy, freedom, peace, and prosperity. The world is watching." pic.twitter.com/OtRzSEIf1H
— U.S. Embassy Burma (@USEmbassyBurma) February 14, 2021
ހޯމަ ދުވަހުގެ ހެދުނުގެ ވަގުތުތަކުގައި، އިންޓަރނެޓް ބްލޮކް ކުރާ މިންވަރު މޮނިޓަރކުރާ ޕްލެޓްފޯމެއް ކަމުގައިވާ ނެޓް ބްލޮކްސް (NetBlocks) އިން ބުނެފައިވާ ގޮތުގައި، ދަންވަރު 1:00 އިން ފެށިގެން މުޅި މިޔަންމާގައި ވަނީ އިންޓަރނެޓްގެ ޚިދުމަތް ކަޑާލާފައެވެ.
މިޔަންމާގެ ބައެއް ރައްޔިތުން ރޮއިޓާސްއަށް މައުލޫމާތު ދީފައިވާ ގޮތުގައި، އެގައުމުގައި އިންޓަރނެޓްގެ ޚިދުމަތް ފޯރުކޮށްދޭ މައިގަޑު 4 ނެޓްވާކުގެ ޚިދުމަތްވެސް ރައްޔިތުންނަށް ލިބެމުންނެއް ނުދެއެވެ.
⚠️ Confirmed: A near-total internet shutdown is in effect in #Myanmar as of 1 a.m. local time; real-time network data show national connectivity at just 14% of ordinary levels following state-ordered information blackout; incident ongoing ?
?Background: https://t.co/Jgc20OBk27 pic.twitter.com/wWWVzb0c0G
— NetBlocks (@netblocks) February 14, 2021
މިޔަންމާގެ އަސްކަރީ ސަރުކާރުންވަނީ، އާދިއްތަ ދުވަހުގެ ހެދުނު، އެގައުމުގެ އުތުރުގެ ސްޓޭޓެއްކަމުގައިވާ ކަޗިންގައި ހުންނަ ޕަވަރ ޕްލާންތައް ބެލެހެއްޓުން ސިފައިންގެ ބެލުމުގެ ދަށަށް ގެނެސްފައެވެ. ސިފައިން މި ޕަވަރ ޕްލާންޓްތަކަށް ވަނުމާއި ގުޅިގެން އެސަރަހައްދުގައި ސިފައިނާ އާންމުންނާ ދެމެދު ކުރިމަތިލުންތައް ވަނީ ހިގާފައެވެ. އާންމު ރައްތިތުން ތުހުމަތު ކޮށްފައިވަނީ، އަސްކަރިއްޔާއިން މުޅި އެސަރަހައްދުން ކަރަންޓުގެ ޚިދުމަތް މެދުކަޑާލުމަށް މަސައްކަތް ކުރަމުންދާ ކަމަށެވެ.
ކަޗިން ސްޓޭޓްގެ ވެރިކަން ކުރާ ސިޓީ ކަމުގައިވާ، މިތްކިނާގައި ހުރި ޕަވަރް ޕްލާންޓް ދޮށަށް އެއްވެ މުޒާހިރާކުރި ފަރާތްތަކާ ދެކޮޅަށް ފުލުހުން ވަނީ ވަޒަން ބެނުން ކޮށްފައެވެ. އެހެންނަމަވެސް، މިމުޒާހިރާ ހުއްޓުވުމުގެ ގޮތުން ފުލުހުން ބޭނުންކޮށްފައިވަނީ އަސްލު ވަޒަންކަމެއް ނުވަތަ ރަބަރު ވަޒަންކަމެއް ސާފު ވެފައެއް ނުވެއެވެ.
ރޭގަޑަށް އިރު އޮއްސުމާއެކު، އަސްކަރީ ބަރު ހަތިޔާރާއެކު އެއްގަމު އުޅަދުތައްވަނީ، މިޔަންމާގެ އެންމެ ބޮޑެތި ސިޓީތައް ކަމުގައިވާ، ޔަންގޮން، މިތްކިނާ، އަދި ރަޚިން ސްޓޭޓްގެ ވެރިކަން ކުރާ ސިޓީ ކަމުގައިވާ ސިޓްވޭގައި ހަރަކާތްތެރިވާން ފަށާފައެވެ. މިއީ، 1 ފެބްރުއަރީގައި ގެނެވުނު އަސްކަރީ ބަޢާވާތަށްފަހު، މިޔަންމާގެ ބޮޑެތި ސިޓީތަކަށް ބަރުހަތިޔާރާއެކު ހަގުރާމައިގެ އުޅަދުތައް ނެރުނު ފުރަތަމަ ފަހަރެވެ.
މިޔަންމާގައި ހުންނަ އެމެރިކާގެ އެމްބަސީއިން ވަނީ، މިޔަންމާގެ ވެރިރަށް ޔަންގޮންގެ މަގުތަކުގައި އަސްކަރީ ހަރަކާތްތައް އިތުރުވަމުން ދިއުމާގުޅިގެން، މިޔަންމާރގައި ތިބި އެގައުމުގެ ރައްޔިތުން ރައްކާތެރި ތަންތަނުގައި ތިބުމަށް އިރުޝާދު ދީފައެވެ. އަދި އިންސާނީ ހައްގުތަކާ ގުޅޭގޮތުން މިޔަންމާއަށް ކަޑައަޅާފައިވާ ޔޫއެންގެ ޚާއްސު މަދޫބު ވަނީ، އެގައުމުގެ ރައްޔިތުންނާ ދެކޮޅަށް އަސްކަރީ ސަރުކާރުން ހިންގާ ޖަރީމާތަކަށް ފިޔަވަޅު އަޅާނެކަމުގެ އިންޒާރުވެސް ދީފައެވެ.
"ފެންނަ ފެނުމަށް، މިޔަންމާގެ އަސްކަރިއްޔާއިން މިވަނީ، އެގައުމުގެ ރައްޔިތުންނާ ދެކޮޅަށް ހަގުރާމަ އިއުލާން ކޮށްފަ،" ޓޮމް އެންޑްރޫސް ޓުވީޓް ކޮށްފައި ވެއެވެ. "މިއީ މާޔޫސްކަމާއި ގޮތް ހުސްވުމުގެ އަމާލާތެއް. މިޔަމްނާގެ ޖެނެރަލުންގެ ސަމާލުކަމަށް ދަންނަވަން: ތިބޭފުޅުންނާމެދު ފިޔަވަޅު އެޅޭނެ ދުވަސް އަންނާނެ،" އޭނާ ޓޫވީޓު ކުރައްވާފައި ވެއެވެ.
ކޮމެންޓު ފޮނުވާ