އާލިއާ ބަޓް، ރަންބީރު ކަޕޫރު ދެކެ ލޯބިވާ ވާހަކަ ބުނާ މި ވީޑިއޯއަކީ ސޯޝަލް މީޑިއާގައި މި ފަހަކުން ފެނުނު ހަމަ އެންމެ ލޯބި އެއް ވީޑިއޯ އެވެ. އިންސްޓަގްރާމްގެ "ޓްރޫ އޯ ފޯލްސް" ގެ ސެޝަނެއްގައި އާލިއާ ބަޓް ކައިރީ ރަންވީރުގެ "ފޭވަރިޓް ނަމްބަރ" 8 ކަމުދޭތޯ އެހުމުން އަތުން ހިތުގެ ބައްޓަން ދައްކާލަމުން ބުނީ އޭނާ 8 ނަމްބަރު ދެކެ ލޯބިވާކަމެވެ.
މި ސެޝަންގައި އާލިއާ ވަނީ އޭނާގެ ފޭނުން، އާލިއާ އާއި ރަންބީރުގެ ގުޅުމުގެ އިތުރުން އާންމު ދިރިއުޅުމާއި ބެހޭގޮތުން ކުރި އެތަކެއް ސުވާލުތަކަކަށް ޖަވާބު ދީފައެވެ. އެގޮތުން އޭނާގެ ދިރިއުޅުމުގެ ވައްޓަފާޅި އާއި ބޭނުންވާ އެއްޗެހީގެ އިތުރުން އެތަށް ބައިވަރު ސުވާލުތަކެއް މި ސެޝަންގައި ވަނީ އާލިއާއާ ކޮށްފަ އެވެ.
View this post on Instagram
މި ސެޝަންގައި އާލިއާބުނެފައިވާ ގޮތުން އޭނާ ބުޅާދެކެ ލޯބިވަނީ އޭނާ އަބަދުވެސް ބުޅާ ގެންގުޅޭތީ ކަމަށެވެ. އަދި މިހާރު ކުއްތާ ގެންގުޅެންވެސް ވަރަށް ގަޔާވާކަމަށް އާލިއާ ވަނީ ބުނެފައެވެ. ފޭނުން ގަބޫލު ކުރާގޮތުގައި އާލިއާ މިދައްކަނީ ރަންބީރުގެ ދެ ކުއްތާ ކަމަށްވާ ލައަނެލް އަދި ނައިޑޯގެ ވާހަކަ އެވެ.
އާލިއާގެ ބުޅާ ތަކުގެ ތެރެއިން "ޝީބާ" ވަނީ ވަރަށް ފަހުން މަރުވެފައެވެ. މި ހާދިސާއާއި ގުޅިގެން އާލިއާ ކުރި ޕޯސްޓެއްގައި "ގުޑްބައި އެންޖަލް" މިހެން ޖަހާފައިވެއެވެ. މި ބުޅަލުގެ އިތުރުން އެޑްވާޑް ނަމަކަށް ކިޔާ ބުޅަލެއް ވެސް އާލިއާ ގެންގުޅެއެވެ.
މި ސެޝަންގެ އެންމެ ފަހު ސުވާލުގެ ޖަވާބަށް 8 ދެކެ ލޯބިވާކަމަށް އާލިއާ ވަނީ ބުނެފައެވެ. އަދި މި އާއެކު އަތުން ހިތުގެ ބައްޓަން ދައްކާލާފައިވެ އެވެ.
ރަންބީރުގެ އުފަންދުވަހުގެ ޕޯސްޓުގައި އާލިއާވަނީ "އުފާވެރި އުފަންދުވަހަކަށް އެދެން 8″ މިހެން ޖަހާފައެވެ. އެހެންކަމުން މި ވީޑިއޯގައި މިބުނާ 8 އަކީ ރަންބީރު ކަމަށް ގަބޫލު ކުރެވެއެވެ.
މީގެ އިތުރުން މި ސެޝަންގައި އަލިއާ ބުނެފައިވަނީ އޭނާއަކީ ޝޮޕިންގ ކުރަން އެހާ ގަޔާވާ މީހެއްނޫން ކަމަށެވެ. އެހެންނަމަވެސް އޮންލައިން ޝޮޕިން ތައާރަފު ވުމާ ގުޅިގެން މިކަންތައްވެސް ބަދަލުވެގެން ގޮސްފައިވާކަމަށް ވެސް އޭނާ ވަނީ ބުނެފަ އެވެ.
