"ބިގްބޮސް13″ ކާމިޔާބުކުރި ސިދާތު ޝުކުލާ އަނެއްކާވެސް އޭނާގެ ކާމިޔާބީތަކުގެ ލިސްޓަށް ކާމިޔާބީއެއް އިތުރުކޮށްފި އެވެ.
އެގޮތުން ސިދާތު ޝުކުލާއަށް ވަނީ ޓުވިޓާގައި އެއް މިލިއަން ފޮލޯވާސް ލިބިފައެވެ. "ބިގްބޮސް14″ ގެ ވީކެންޑް ވާރ އިން އެންމެ ފަހުން ސިދާތް ފެނިގެންގޮސްފައިވާއިރު، ސިދާތު ވަނީ 1 މިލިއަން ފޮލޯވާސް ހަމަވުމުން އުފާފާޅުކުރަމުން އޭނާގެ ފޭނުންނަށް ޝުކުރުއަދާކޮށްފަ އެވެ.
Woohoo congratulations everyone we are 1M strong … thank you fr supporting me & choosing to follow me … joining Twitter was one of my best decisions as I connected 2 u all ..feels good to see that the first few who followed are still around … thank u… love n luck 2 all ❤️
— Sidharth Shukla (@sidharth_shukla) January 31, 2021
އިންސްޓާގުރާމުގައި ސިދާތު ފޮލޯކުރާ މިހުންގެ އަދަދު 3 މިލިއަނާ ގާތްކޮށްފައިވާއިރު އޭނާ މިހާރު ހިމެނިފައި ވަނީ ސޯޝަލް މީޑިއާގައި ޓްރެންޑް ކުރާ މީހުންގެ ތެރޭގައެވެ.
ޓުވިޓާގައި ސިދާތު ލިޔެފައިވާ ޕޯސްޓުގައިވަނީ ޓުވިޓާއާއި ގުޅުމަކީ އޭނާއަށް ކުރެވުނު އެންމެ ރަނގަޅު ކަންކަމަށާއި އެންމެ ފުރަތަމަ އޭނާ ފޮލޯ ކުރި މީހުން އަދިވެސް އެގޮތުގައި ތިބީތީ ވަރަށް އުފާވާކަމަށެވެ. އެއާއެކު ފޭނުންވަނީ މި ޓުވީޓުގައި މަރުހާބާ ކިޔައި މުޅި ޓުވިޓާރ ފުރާލާފައެވެ.
ސިދާތު އެންމެ ފަހުން ފެނިގެންގޮސްފައިވަނީ ޝެހެނާޒް ގިލް އާއެކު މިއުޒިކް ވީޑިއޯ "ޝޯނާ ޝޯނާ" އިންނެވެ. މިދެތަރިންނަކީ ބެލުންތެރިންގެ މެދުގައި މަޝްޙުރު ޖޯޑަކަށް ވެފައިވާއިރު ފޭނުން މިދެމީހުންނަށް ކިޔާ ނަމަކީ ސިޑްނާޒްއެވެ.
ސިދާތާއި ޝެހެނާޒް ދިމާވެފައިވަނީ "ބިގްބޮސް13″ އިންނެވެ. އެއާއެކު މިދެމީހުންވަނީ ދަރްޝަން ރަވަލްގެ ލަވަ "ބުލާ ދޫންގާ" އިންވެސް އެކުގައި ފެނިގެންގޮސްފައެވެ. ސިދާތު ވަނީ "ބިގްބޮސް14″ގެ ކުރީކޮޅު ތޫފާނީ ސީނިއާ އެއްގެ ގޮތުގައި ހީނާ ޚާނާއި ގޯހަރް ޚާނާއެކު ވެސް ފެނިގެންގޮސްފަ އެވެ.
