32 އަހަރުގެ ސަނާ ޚާން މިދިޔަ އަހަރު އޮކްޓޯބަރު މަހު ވަނީ ފިލްމީ ދާއިރާދޫކޮށްލައި އިސްލާމްދީންގެ ކަންކަމަށް އިސްކަންދީ އުޅުން އިސްލާހު ކޮށްފައިއެވެ. ސަނާ ޙާން މަޝްހޫރުވެފައިވަނީ "ބިގްބޮސް-6″ އަދި ރިއަލިޓީ ޝޯވ "ފިއާ ފެކްޓާ: ޚަތްރޯން ކީ ކިލާޑީ-6″ އިންނެވެ. އަދި ސަނާ ޚާން ވަނީ ސަލްމާން ޚާންގެ ފިލްމު "ޖޭ ހޯ" އިންވެސް ފެނިގެންގޮސްފައެވެ.
ސަނާ ވަނީ މުފްތީ އަނަސް އާއި ކައިވެނިކޮށް އޭނާގެ ނަން ސައްޔިދް ސަނާ ހާން އަށް ބަދަލުކޮށްފައެވެ. އެންމެން ހައިރާން ކޮއްލި މިކައިވެނީގެ ފަހުން ސަނާ ހުރީ އުފަލުން ކަމަށް އޭނާ ދަނީ އެކި ގޮތްގޮތުން ހާމަކުރަމުންނެވެ.
ސަނާގެ ކައިވެންޏަށްފަހު، ސަނާ އާއި ބެހޭގޮތުން އިންޓަނެޓުގައި ވަނީ ނެގެޓިވް ކޮމެންޓުތަކާއި ވީޑިއޯތަކާއި ޚަބަރުތައް އާންމުވެފައެވެ. އަދި އޭގެ އެތައް ކޮމެންޓުތަކެއް ސަނާ އަޅައި ނުލާ ދޫކޮށްލިކަމުގައި ވިޔަސް ސަނާ ބުނިގޮތުގައި އެކަހަލަ ކޮމެންޓުތައް ފެނުމުން އޭނާ ދެރަވެއެވެ.
އިންސްޓަގްރާމުގައި ސަނާ ހިއްސާކޮށްފައިވާ ނޯޓެއްގައި ލިޔެފައިވަނީ މިފަދަ ކޮމެންޓުތަކަށް އޭނާ ވަރަށް ދުވަސް ވަންދެން ހުރެފި ކަމަށާއި ނަމަވެސް އޭނާގެ ކުރީގެ މާޒީ ދައްކުވައިދޭ ވީޑިއޯ ތަކަކީ ބޭކާރު ވީޑިއޯ ތަކެއްކަމަށެވެ. އަދި ތައުބާވެފައި ހުރި މީހަކާއި ބެހޭގޮތުން އެކަހަލަ ވީޑިއޯއެއް އާންމުކުރުމަކީ ކުށެއްކަމަށާއި ވަރަށް ދެރަ ވެއްޖެކަމަށްވެސް ލިޔެފައިވެއެވެ.
View this post on Instagram
އޭނާ މިހާރު މަސައްކަތް ކުރަމުންދަނީ މުޅިން ބަދަލުވާންކަމަށާއި އޭނާއަށް ޗާންސެއް ދިނުމަށްވެސް ވަނީ އެދިފައެވެ.
