"ދިލްބަރ"، "ކަމަރިޔާ"، "އެކް ތޯ ކަމް ޒިންދަގާނީ"، "ޕަޗްތާއޯގޭ" އަދި "ގަރްމީ" ފަދަ ލަވަ ތަކުން ބެލުންތެރިންގެ ހިތްތައް ފަތަހަކުރި ނޯރާ ފަތޭހީގެ އައު ލަވައެއް ނެރުމަށް ޓީ ސީރީޒުން އަނެއްކާވެސް މި ވަނީ ތައްޔާރު ވެފައެވެ.
އަރްވިންދް ކައިރާ ޑައިރެކްޓްކޮށްފައިވާ މި މިއުޒިކް ވީޑިއޯގެ ފަސްޓް ލުކް ޓީ ސީރީޒްގެ ސޯޝަލް މީޑިއާ އެކައުންޓް ތަކުން ވަނީ ދައްކާލާފައެވެ. ލަވަ ރިލީޒްކުރަން ހަމަޖެހިފައި ވަނީ އަންނަ ބުރާސްފަތި ދުވަހުއެވެ.
Erasing the imprints of betrayal in love we are all set to burn you in the fire of revenge. #ChhorDenge releasing on 4th February. Stay tuned!#tseries #BhushanKumar #NoraFatehi @itsEhanBhat @sachetparampara @sachet_tandon @ParamparaTandon #YogeshDubey @arvindrkhaira pic.twitter.com/zOJqXKn2fD
— T-Series (@TSeries) January 31, 2021
ރާޖިސްތާނުގައި ޝޫޓްކޮށްފައިވާ ލަވަ "ޗޯޅް ދޭންގޭ" ކިޔާފައިވަނީ ލަވަކިޔުންތެރިޔާ ސަޗެތު ޕަރަމްޕަރާ އެވެ. މި ލަވައިގައި ނޯރާ ފެނިގެންދާނީ މުޅިން ތަފާތު ފެނިލުމަކުން ކަމަށް ރިޕޯޓުތައް ބުނެއެވެ.
މި ލަވާގައި ފެނިގެންދާނީ ހިތާމަވެރި އަދި ބަދަލު ހިފުމުގެ ހާދިސާ ތަކެކެވެ. މިއީ ހިތް ހަލާކުވެފައިވާ މީހަކު ބަދަލުހިފުމުގެ ކަންތައްތަކެއް ނެށުމެއްގެ ގޮތުގައި ހުށައަޅައިދޭ ލަވައެކެވެ. ނޯރާވަނީ އޭނާގެ ފޭނަކު އިންސްޓަގްރާމުގައި ކޮށްފައިވާ ޕޯސްޓަކަށް "ބަދަލުހިފުމަކީ ވަރަށް ކުރާހިތްވާކަމެއްކަމަށާއި ބަދަލަކީ ހިފާނެއެއްޗެއްކަމަށް" ސަމާސާގޮތަކަށް ބުނެފައެވެ.
މި ލަވަ ޝޫޓްކޮށްފައިވަނީ މިދިޔަ އަހަރުގެ އޮކްޓޫބަރ މަހުގެ ތެރޭގައެވެ.
ނޯރާގެ ފިލްމީ މަސައްކަތްތަކަށް ބަލާލާއިރު އޭނާ އެންމެ އަވަހަށް ފެނިގެންދާނެކަމަށް ބެލެވެނީ އަބީޝޭކް ދުދައިޔާގެ "ބުޖް: ދަ ޕްރައިޑް އޮފް އިންޑިއާ" އިން އަޖޭ ދޭވްގަން، ސަންޖޭ ދަތު އަދި ސޮނާކްޝީ ސިންހާ އާއެކުއެވެ.
