ރާއްޖޭގެ އާބާދީ ފަސްލައްކަ ފަންސާސް ހާހަށްވުރެ އިތުރުވެފައިވާއިރު %40 މީހުން ދިރިއުޅެމުންދަނީ މާލޭގައިކަމަށް ނޭޝަނަލް ބިއުރޯ އޮފް ސްޓެޓިސްޓިކްސްް އިން އަންދާޒާކޮށްފިއެވެ. ރާއްޖޭގެ ތަފާސް ހިސާބުތަކާއި ބެހޭ އިދާރާ ނޭޝަނަލް ބިއުރޯ އޮފް ސްޓެޓިސްޓިކްސް އިން ޢާންމުކޮށްފައިވާ 2020 ވަނަ އަހަރުގެ ރާއްޖޭގެ އާބާދީ އަންދާޒާ ދައްކާގޮތުގައި ރާއްޖޭގެ މުޅި އާބާދީއަކީ 557،426 މީހުންނެވެ.
އާބަދީގެ އެންމެ ގިނަ ބަޔަކު މާލޭގައި ދިރިއުޅޭމުންދާއިރު މިވަގުތު މާލޭގައި 227،486 މީހުން ދިރިއުލެމުން އަންނައިރު، އެއީ އާބާދީގެ 40.8 އިންސައްތައެވެ. އެހެންކަމުން އެންމެ ގިނަ ބަޔަކު ދިރިއުޅެމުންދާ އަތޮޅަކީ މާލެ އަތޮޅެވެ. މާލެ އަތޮޅުގެ އާބާދީއަކީ 41،282 އެވެ. އާބާދީގެ ނިސްބަތުން 10،000 މީހުން ހަމަނުވަނީ އެންމެ ހަތަރު އަތޮޅުގައެވެ. އެއީ ވ.އަތޮޅާއި، މ.އަތޮޅާއި، ފ.އަތޮޅާއި، ފުވައްމުލަކު ސިޓީގައެވެ. އަދި ރާއްޖޭގައި އާބާދީ އެންމެ މަދީ ވ.އަތޮޅުގައެވެ. އެއަތޮޅުގެ އާބާދީއަކީ 2688 މީހުންނެވެ.
އެންމެ އާބާދީ މަދު 4 އަތޮޅުގެ އާބާދީ:
- ފެލިދެ އަތޮޅު (ވ) : 2688
- މުލަކަތޮޅު (މ) : 6747
- ނިލަންދު އަތޮޅު އުތުރުބުރީ (ފ) : 5941
- ފުވައްމުލަކު (ޏ) : 9873
އާބާދީގައި 10،000 – 20،000 ހަމަވަނީ 10 އަތޮޅެއްގައެވެ.
އެއީ:
- ހއ.އަތޮޅު : 17389
- ށ.އަތޮޅު : 15358
- ނ.އަތޮޅު : 16706
- ޅ.އަތޮޅު : 14370
- އއ.އަތޮޅު : 13638
- ދ.އަތޮޅު : 10635
- ތ.އަތޮޅު : 11496
- ލ.އަތޮޅު :16805
- ގއ.އަތޮޅު 14616
- ގދ.އަތޮޅު 15445
އާބާދީގައި 20،000 – 30،000 ހަމަވަނީ ފަސް އަތޮޅެއްގައެވެ.
އެއީ:
- ހދ.އަތޮޅު : 23157
- ރ.އަތޮޅު : 20297
- ބ.އަތޮޅު : 21145
- އދ.އަތޮޅު : 20248
- އައްޑޫ ސިޓީ : 26635
ރާއްޖޭގައި ހަ ރީޖަނަލް ހޮސްޕިޓަލް ހުރިއިރު، 14 އެއަރޕޯޓް ހިންގަމުން ގެންދާކަން މި ތަފާސް ހިސާބުގައި ފާހަގަކޮށްފައިވެއެވެ.
ކޮމެންޓު ފޮނުވާ