އިންޑިއާގެ ވެރރަށް ނިއްދިއްލީގައި ހުންނަ އިސްރާއީލް އެމްބަސީގައިރީގައި ބޮމެއް ގޮއްވާލައިފިކަމަށް، އިންޑިއާގެ ޚަނަރު ފަތުރާ ވަސީލަތްތަކުން ރިޕޯޓް ކޮށްފިއެވެ.
ރިޕޯޓުތައް ބުނާ ގޮތުގައި، މިހަލާގައި އިސްރާއީލް އެމްބަސީގައި މަސައްކަތްކުރާ އެއްވެސް މުވައްޒަފަކަށް އަނިޔާއެއް ލިބުނުކަމުގެ އެއްވެސް މައުލޫމާތެއް އަދި ލިބިފައި ނުވާއިރު، ފުލުހުން މިހާރުވަނީ، މި އެމްބަސީއަށް ދެވެން އޮންނަ ހުރިހާ މަގުތަކެއް ބަންދު ކޮށްފައެވެ.
އޭއެފްޕީ ނޫސް އޭޖެންސީން މައުލޫމާތު ދޭގޮތުގައި، މި ގޮވުމުގައި އެސަރަހައްދުތަކުގައި ޕާކްކޮށްފައިހުރި ގިނަ އަދަދެއްގެ ކާރުތަކަށް ވަނީ ގެއްލުން ލިބިފައެވެ.
#BreakingNews: Reports of a #blast close to the Embassy of #Israel in #NewDelhi. Caused damage to several vehicles. Blast reported on the pavement near the embassy. Today (29 Jan) marks the 29th anniversary of the establishment of diplomatic relations between #India and #Israel. pic.twitter.com/Hkl7jftLPp
— Bengal Newz (@BengalNewz) January 29, 2021
މި ހާދިސާއާ ގުޅިގެން އިސްރާއީލުގެ ފޮރިންގ މިނިސްޓްރީން ބުނެފައުވަނީ، މިހާދސާ މިހާރު ތަހުގީގު ކުރަމުންދާ ކަމުގައެވެ.
އިންޑިއާގެ ފުލުހުން މައުލޫމާތު ދީފައިވާ ގޮތުގައި، ބޮން ގޮއްވާލައިފައިވަނީ އިންޑިއާގެ ގަޑިން ހަވީރު 5:05 ގައެވެ.
"މި ގޮވުމަކީ، ބާރުދެރަ ގޮވާތަކެތި ބޭނުންކޮށްގެ، 5 އޭޕީޖޭ އަބްދުލް ކަލާމް މަގުގައި ގޮއްލާފައިވާ ބޮމެއް. އެއްވެސް މީހަކަށް އަނިޔާއެއް ވެފައެއް ނުވޭ. އަދި ކައިރީގައިވާ އިމާރާތްތަކަށްވެސް ގެއްލުމެއް ވެފައެއް ނުވޭ. ހަމަ އެކަނި ކައިރީގައި ޕާކްކޮށްފައި ހުރި ބައެއް އެއްގަމު އުޅަދުތަކަށް ގެއްލުން ވެފައިވަނީ،" ނިއުދިއްލީގެ ޕޮލިހުންގެ ފަރާތުން ނެރެފައިވާ ސްޓޭޓްމަންޓެއްގައި ބުނެފައި ވެއެވެ.
"ބެލެވޭ ގޮތުގައި މި ގޮވުމަކީ، ދެގައުމުގެ ދެމެދުގައި ނުތަނަވަސްކަން އުފެއްދުމަށް ހިންގާފައިވާ އަމަލެއް،" މި ސްޓޭޓްމަންޓުގައި އިތުރަށް ބުނެފައި ވެއެވެ.
ނިއު ދިއްލީގައި ހުންނަ އިސްރާއީލް އެމްބަސީ ކައިރީގައި މިބޮން ގޮއްވާލާފައިވަނީ، އިންޑިއާއި އިސްރާއީލާ ދެމެދު ސިޔާސީ ގުޅުން ގާއިމް ކުރިތާ 29 އަހަރު ފުރޭ މުނާސަބަތާ ދިމާކޮށެވެ.
Today we celebrate 29 years of India-Israel diplomatic relations. ?????
As we wish our #GrowingPartnership a Happy Birthday, let's take a look back at the key moments from last year which made our relationship stronger than ever?. pic.twitter.com/1qDc8MzgJv
— Israel in India (@IsraelinIndia) January 29, 2021
