ސޯޝަލް މީޑިއާ އާއި އޮންލައިން ޕްލެޓްފޯމް ތަކުގައި ޖޯކުޖެހުން ފަދަ ކަންކަން ބޮޑަށް އަމާޒުވަނީ އެންމެން ދަންނަ މަޝްހޫރު މީހުންނަށެވެ. އަދި އެފަދަ މީހުންގެ އަބުރަށް ހުތުރުވާ ފަދަ އެއްޗެހިވެސް ސޯޝަލް މީޑިއާގައި ދައުރުކޮށް ހަދައެވެ.
ބޮލީވުޑްގެ ތަރި ބޫމީ ޕަޑްނޭކަރ ބުނިގޮތުގައި އޭނާ ބޮލީވުޑާއި ގުޅުނުތާ ކުރީކޮޅުގައި އޭނާއަށްވެސް މިފަދަ ނެގެޓިވް ވާހަކަތަކާއި ކުރިމަތި ލާންޖެހުނު ކަމަށާއި ނަމަވެސް ފަހުންއައިސް އުފަލަކީ ހަމައެކަނި އަމިއްލަ އަތުގައި އޮންނައެއްޗެއްކަމަށް ދަސްވިކަމަށެވެ.
ކަރީނާ ކަޕޫރު ޙާންގެ ޗެޓް ޝޯވ ގައި ބޫމީ ބުނެފައިވަނީ ހުރިހާ ތައުރީފްގެ ކޮމެންޓުތަކުގެ ތެރެއިން ނެގެޓިވްކޮމެންޓުތަކަށް ބަލަންވެއްޖެނަމަ އެއީ ވަރަށް މޮޔަ ކަމެއްކަމަށެވެ. އެހެންކަމުން އެނާ ޓްރޯލްސްތަކާއި މެދުގައި އެހާ ފަރުވާލެއް ނުބަހައްޓަން ކަމަށް ބޫމީ ބުންޏެވެ.
އަދި ބައެއް މީހުންނަށް އެހެންމީހުންނާއި ބެހޭގޮތުން ރަނގަޅު ވާހަކަދައްކަން ނޭނގޭކަމަށާއި، އެހެން މީހުންގެ އަމިއްލަ ކަންތަކާއި ބެހެނީ ކީއްކުރަންބާއޭ ބައެއްފަހަރު ހިތަށް އަރާކަމަށްވެސް ބޫމީ ވަނީ ބުނެފައެވެ. ނަމަވެސް އެކަކު އެގޮތަށް ކޮމެންޓުކުރާނަމަ އިތުރު ދިހަ މީހުން ތައުރީފުގެ ކޮމެންޓުތައް ދޭނެކަމަށްވެސް ބޫމީ ބުންޏެވެ. އޭނާ ބުނީ އެމީހެއްގެ ފިލްމު ބޮކްސް އޮފީހުގައި ކާމިޔާބު ނުވެއްޖެނަމަ އެކަމުގެ ސަބަބުން ސޯޝަލްމީޑިއާގެ ފޮލޯވަރުން މަދުވާނެކަމަށާއި ނަމަވެސް ބޫމީ އެކަހަލަ ކަންތަކާ އަޅާނުލާ ކަމަށެވެ.
Shuru ho gai hai hamari kahani,
Jahan hai dono Raja aur Rani,
Shardul Aur Sumi hai ekdam pyaare,
Yeh dono hai situation ke maare,
Milenge hum aapse jald, Ho jayega tab sab clear aur tab hum kahengey, #BadhaaiDo
#2021@RajkummarRao @JungleePictures pic.twitter.com/ADAopwCpcb— bhumi pednekar (@bhumipednekar) January 5, 2021
ބޫމީ މިހަރު މަސައްކަތްކުރަމުންދަނީ ފިލްމު "ބަދާއި ދޯ" ގެ ޝޫޓިންގައި ދެހްރާދުންގައެވެ. "ބަދާއި ދޯ" އަކީ 2018 ގައި ނިކުތް ފިލްމު "ބަދާއި ހޯ" ގެ ސީކުއެލްއެކެވެ. ބޫމީ އާއެކު މި ފިލްމުން ދެން ފެނިގެނދާނީ އެކްޓަރ ރާޖްކުމާރް ރާއޯ އެވެ. ހަރްޝްވަރްދާން ކުލްރާނީ ޑައިރެކްޓްކުރާ މި ފިލްމުގައި ބޫމީ ފެނިގެންދާނީ ޕީޓީ ޓީޗަރެއްގެ ގޮތުގައެވެ.
