ސޯޝަލް މީޑިއާގައި އެންމެ އެކްޓިވް އެއްތަރިކަމުގައިވާ، އަންކިތާ ލޮކަންޑޭ އިންސްޓާގުރާމުގައި "އާސްކް މީ އެނީތިން"ގެ ސެޝަންއެއް ކުރިއަށް ގެންގޮސްފި އެވެ. މި ސެޝަން ތެރޭގައި އަންކިތާ ވަނީ އޭނާ އާއި އެކްޓަރ ސުޝާންތު ސިންގް ރާޖްޕުތުގެ ފޮޓޯތަކެއް ހިއްސާކޮށްފަ އެވެ.
"ޕަވިތްރަ ރިޝްތާގެ" ގެ ތަރި އަންކިތާ ވަނީ މި ސެޝަންގައި އޭނާގެ ލޯބިވެރިޔާ ވިކީ ޖޭންގެ ފޮޓޯތަކާއި އަމިއްލަ ބައެއް ވާހަކަތައްވެސް ހިއްސާކޮށްފަ އެވެ.
މި ސެޝަންގެ ތެރެއިން އަންކިތާ ކައިރީގައި ސުޝާންތުގެ ހަނދާނެއް ހިއްސާކުރުމަށް ބުނުމުން ވަނީ އޭނާއާއި ސުޝާންތުގެ ވީޑިއޯ ކޯލެއްގެ ސްކްރީންޝޮޓެއް ހިއްސާކޮށްފަ އެވެ. މި ކޯލަކީ ސުޝާންތުގެ ކާމިޔާބު ފިލްމު "އެމްއެސް ދޯނީ"ގެ ޝޫޓިންގގެ ތެރެއިން ކޮށްފައިވާ ވީޑިއޯ ކޯލެކެވެ.
އަދި ސުޝާންތުގެ ފޭނުންނަށް ދޭން ބޭނުންވާ މެސެޖަކީ ކޮބައިތޯ ސުވާލުކުރުމުން ސުޝާންތާއި އަންކިތާ ސްޓޭޖުގައި ނަށާފޮޓޯއެއް ހިއްސާކުރަމުން ލިޔެފައިވަނީ ސުޝާންތަށް ހެޔޮދުއާކުރުމަށާއި ސުޝާންތުގެ އާއިލާއަށްވެސް ހެޔޮދުއާ ކޮށްދިނުމަށެވެ. އެއާއެކު އަންކިތާވަނީ ސުޝާންތާއި ސުޝާންތުގެ ކޮއްކޮމެންނާއެކު ޕަޓްނާއަށް ދިޔަ ދަތުރުގައި ނަގާފައިވާ ފޮޓޯއެއްވެސް ހިއްސާކޮށްފަ އެވެ.
ސުޝާންތާއި އަންކިތާ ލޯބީގެ ގޮތުން ގުޅިގެން 6 އަހަރު އެކުގައި އުޅުމަށްފަހު 2016 ވަނަ އަހަރު ވަނީ ވަކިވެފަ އެވެ. އަދި ސުޝާންތުގެ ކުއްކި މަރާ ގުޅިގެން އަންކިތާވަނީ ސުޝާންތަށް އިންސާފުހޯދައި ދިނުމުގެ މަސައްކަތުގައި ސުޝާންތުގެ އާއިލާއަށް އެހީތެރިވެފައެވެ
މި ދުވަސްކޮޅަކީ ސެލެބްރިޓީއިން އެމީހުންގެ ފޭނުންނާއި ސޯޝަލް މީޑިއާ މެދުވެރިކޮށް ގުޅުން ބަދަހިކުރާ ދުވަސްކޮޅެކެވެ. އެގޮތުން ދިޕިކާ ޕަޑުކޯންވެސް ވަނީ އަންކިތާ ފަދައިން ފޭނުންގެ ސުވާލުތަކަށް ޖަވާބުދީފަ އެވެ.
One Response
މިވެސް ޚަބަރެއް. ތިކަހަލަ ކިތަށް މީހުންގެ ކިތަށް ފޮޓޯ ފެންނަމުންދާނެ؟ އެއިން ކޮންމެ ފޮޓޯއެއް ޚަބަރަކަށް ހަދަމުން ދާ ނަމަ ތިއޮތީވާ ހާދަ ހަބަރެކޭ. ހިތިހިތިހަބަރު.