ބަތަލާ އިލިއާނާ ޑި ކުރޫޒް އޭނާގެ އިންސްޓަގްރާމްގައި ތަފާތު ފޮޓޯ ޝޫޓްތަކާއި ބީޗުގެ ފޮޓޯތަކުން ފޭނުން މުނިފޫލިފިލުވަމުން ދާއިރު، ވަރުގަދަ ބަސްތަކާއި ސްޓޭޓްމަންޓުތައްވެސް ދަނީ ހިއްސާކުރަމުންނެވެ. މިފަދަ ޕޯސްޓުތަކުން އިލިއާނާގެ ހިއްވަރުގަދަކަން ހާމަވެގެން ދެއެވެ.
ޓޯކް ޝޯވ އެއްގައި އިލިއާނާގެ ޕާސަނަލް ޗޮއިސް އާއި ބެހޭގޮތުން ވާހަކަ ދައްކަމުން އިލިއާނާ ވަނީ އޭނާ ޑޭޓުކުރަން ބޭނުންވާ ފިރިހެނުންގެ ކިބައިގައި ހުންނަންޖެހޭ ސިފަތައް ކިޔައިދީފަ އެވެ.
ޝޯވ ގައި އެންމެ ފަހުންކުރި ސުވާލަކީ، ގިނަ ބަސްތަކުން ވާހަކަ ދައްކަން އެނގޭ ނުވަތަ ހިސާބަށް މޮޅު ނުވަތަ އަމަލީ މަސައްކަތަށް މޮޅު ނުވަތަ ލަވަޔާއި މިއުޒިކް އެނގޭ، މި ހަތަރު ވައްތަރުގެ މީހުން ތެރެއިން އިލިއާނާއަށް އެންމެ ކަމުދަނީ ކޮންކަހަލަ މީހެއްތޯއެވެ. ޖަވާބުގައި އިލިއާނާ ބުނެފައިވަނީ އޭނާއަށް ކަމުދަނީ ރީތިކޮށް ވާހަކަދައްކާ އަދި ކޮންމެސް ވަރަކަށް މިއުޒިކްވެސް ދަންނަ މީހުންކަމަށެވެ.
އިލިއާނަކީ ބޮލީވުޑްގައި އެންމެންގެ ލޯބިލިބިފައިވާ ތަރިއަކަށް ވާއިރު، އިލިއަނާ އެންމެ ފަހުން ފެނިގެންގޮސްފައިވަނީ އަނިލް ކަޕޫރު، ޖޯން އަބްރަހަމް، އަރްޝަދް ވަރްސީ، ޕުލްކިތް ސަމްރާޓް އަދި ކްރިތީ ކަރްބާންދާ އާއެކު ފިލްމު "ޕާގަލްޕަންތީ"ގެ ލީޑު ރޯލުންނެވެ.
