ބޮލީވުޑާއި ހޮލީވުޑްގެ ވެސް ތަރި ޕްރިޔަންކާ ޗޯޕްރާގެ ވަރަށް ގިނަ ހުނަރުތަކެއް ވަނީ ފެނިފަ އެވެ. އެގޮތުން ޕްރިޔަންކާގެ އެކްޓުކުރުމާއި ލަވަކިޔުމުގެ ހުނަރު ފެނިފައިވާއިރު މިފަހަރު ޕްރިޔަންކާ މޭކަޕް ކުރުމުގެ ހުނަރުވެސް މި ވަނީ ދައްކާލާފަ އެވެ.
ޕްރިޔަންކާ އޭނާގެ އިންސްޓަގްރާމް އެކައުންޓަށް ވަނީ އެތަށް ބިއުޓީ ވިޑިއޯތަކެއް ލާފައެވެ. އެގޮތުން އޭނާ އެންމެ ފަހުން ހިއްސާކޮށްފައިވަނީ އަވަހަށް ތައްޔާރުވެވޭނެ ސިމްޕަލް މޭކަޕެކެވެ.
ޕްރިޔަންކާ ފުރަތަމަ ފަށާފައިވަނީ ލޮލުގެ ތިރީގަޔާއި ޓާގެޓެޑް އޭރިއާ ތަކުގައި ފައުންޑޭޝަން ހާކަމުންނެވެ. އެއަށްފަހު ކުޑަ ފުށް ކޮޅެއް މޫނުގައި ހާކާލައެވެ. އޭނާ ބުނިގޮތުގައި ކުޑަ ފުށްކޮޅެއް ހާކާ ސަބަބަކީ އޭނާއަށް އޭނާގެ މޫނުގައި އެހާގިނަ ފުށްޖެހީމަ ރީތި ނޫން ވީމައެވެ.
އެއަށްފަހު ކަރުގައިވެސް މިގޮތަށް ފައުންޑޭޝަން ހޭކުމަށްފަހު އޭނާގެ ކޮލަށާއި ނޭފަތަށް ޝޭޕް ގެނައުމަށްފަހު މަސްކަރާ، އައިލައިން އަދި ލިޕްބާމް ޖައްސައެވެ. އެއަށްފަހު ޕްރިޔަންކާ ބުނީ ބޭނުންވާ ގަހަނާއެއް އަޅާލުމުން އިތުރަށް ފުރިހަމަ ވާނެކަމަށެވެ.
View this post on Instagram
ޕްރިޔަންކާ އެންމެ ފަހުން ފެނިގެންދިޔައީ ނެޓް ފްލިކްސް އިން ހުކުރު ދުވަހު ދައްކަންފެށި، ރާމިން ބަހްރާނީ ޑައިރެކްޓުކޮށްފައިވާ ފިލްމު "ދަ ވައިޓް ޓައިގާ" އިން އެކްޓަރ ރާޖްކުމާރު ރާއޯ އާއެކުގައެވެ. އެއާއެކު ޖިމް ސްޓްރޯސްގެ ރޮމޭންޓިކް ޑުރާމާ "ޓެކްސްޓް ފޯ ޔޫ" އިންވެސް ޕްރިޔަންކާ ފެނިގެންދާނެއެވެ.
