ނެޓްފްލިކްސް އިންގެނެސްދޭ "ބެހެންސްޕްލެއިނިންގ" ގެ އެޕިސޯޑެއްގައި އެކްޓްރެސް ކާޖޮލް ދޭވްގަން، އޭނާގެ މަންމަ އާއި ބައްޕަ ވަކިވުމުން ކަންތައް ވަރަށް ގޯސްވެގެންދާނެކަމަށް ހީކުރިންކަމަށް ބުނެފިއެވެ.
ކާޖޮލް ގެ ބައްޕަ ޝޯމޫ މުކަރްޖީ އަދި މަންމަ ތަނޫޖާ ވަރިވީއިރު ކާޖޮލްގެ އުމުރަކީ އެންމެ ހަތަރު އަހަރެވެ. ކާޖޮލް ބުނިގޮތުގައި އޭނާ ތަރުބިއްޔަތުކޮށްފައި ވަނީ އެންމެ ފުރިހަމަކޮށް ކަމަށާއި، ދުރުވިސްނޭ އަދި ކަންތަކުގައި ކެރޭ މީހަކު ކައިރީގައި އުޅެބޮޑުވުމުގެ ފުރުސަތު ލިބުނީތީ އުފާވާކަމަށެވެ. ކުޑައިރުއްސުރެ މަންމަ ހުރިހާކަމެއް ކިޔައިދިންކަމަށާއި ނަމަވެސް ކުޑަކުޑަ ކަމެއްވެސް ގޯސްކޮށްދިޔަނަމަ ކަންތައްތައް ވެދާނެގޮތަކާއިމެދު އޭރު ވަރަށް ވިސްނުނުކަމަށް ކާޖޮލް ބުންޏެވެ.
އެއާއެކު ކާޖޮލް ބުނެފައިވަނީ އޭނާގެ ރަހުމަތްތެރިންގެ ތެރޭގައި، މައިންބަފައިންނާ އެކު ދިރިއުޅުނަސް އެ ދެމީހުނުގެ އަޅާލުންނުލިބޭ ގިނަ ކުދިން އުޅުނުކަމަށެވެ. އަދި ކާޖޮލް އޭނާގެ މަންމަ އާއި ބައްޕަ ދެކެވެސް ލޯބިވާކަމަށާއި އެދެމީހުން ދުރުގައި ތިބި ނަމަވެސް ދަރިން ބޮޑެތިކުރުމުގެ މަސައްކަތްކުރީ އެކުގައިކަމަށެވެ.
ކާޖޮލް، އެކްޓަރ އަޖޭ ދޭވްގަންއާ ކައިވެނިކުރިތާ 20 އަހަރުވެފައިވާއިރު އެދެމީހުންގެ ދެކުދިން ތިބެއެވެ. މިދެމީހުން އެންމެ ފަހުން ފެނިގެގޮސްފައިވަނީ މިދިޔަ އަހަރު ފިލްމު "ތަންހާޖީ" އިންނެވެ.
