ޔޯގާ އަކީ އިރަށް އަޅުކަން ކުރުމާއި އިސްލާމްދީނުގެވާ އެއްކައުނަވަންތަ ކަމުގެ އަސާސާއި، ފުށުއަރާ އެތަކެއްބަސް ތަކާއިއެކު ކުރާ ކަމެއްކަމުގައި ދީދީ އިލްމުވެރިޔާ ޝައިޚް އަލީ ޒައިދު ވިދާޅުވެއްޖެއެވެ.
މާލެ ސިޓީ ކައުންސިލާއި އިންޑިއަން ކަލްޗުރަލް ސެންޓަރާއި ގުޅިގެން މާލޭ ލޮނުޒިޔާރަތް ޕާކުގައި ޔޯގާ ސެޝަންތަކެއް ވަނީ ކުރިއަށް ގެންދަން ފަށާފައެވެ. މި ޝެޝަންތައް ކޮންމެ ހަފްތާއެއްގެ ހުކުރު އަދި ހޯމަ ދުވަހު ކުރިއަށް ގެންދާނެއެވެ. އެ ސެޝަންތައް މި ދެ ދުވަހުގެ ހެނދުނު 06:00 އިން 07:00 އަށް ކުރިއަށް ގެންދިއުމަށް ވަނީ ހަމަޖެހިފައެވެ.
މިކަމުގައި ބައިވެރިވާން ބޭނުންވާ ފަރާތްތަކުން މި ސެޝަންތައް އޮންނަ ދުވަހުގެ އެގަޑިއަށް ޔޯގާ މެޓާއި ފެނފުޅި ހިފައިގެން ދިއުުމަށް އެ ކައުންސިލުން ވަނީ އިލްތިމާސްކޮށްފައެވެ. ފެންފުޅި ގެންދާއިިރު ޕްލާސްޓިކް ފެންފުޅި ނުގެންދިއުމަށް ވަނީ އިލްތިމާސްކޮށްފައެވެ. މި ސެޝަންތަކުގައި ބައއިވެރިވުމަށް ވަކިި އުމުރުފުރައެއް ޖިންސެއް ނެތް ގޮތަށް ވަނީ ހުޅުވާލާފައެވެެ.
މިކަމާއި ގުޅިގެން ޝައިޚު އަލީ ޒައިދު ވިދާޅުވީ ކާފިރުން ކުރާހާ ހުރިހާ ކަމެއް މުސްލިމުންނަށް ކުރެވޭނެ ގޮތެއް ނޯންނަކަމަށެވެ. ޔޯގާ އަކީ އޭގައި އިސްލާމްދީނުގައިވާ އެއްކައުވަންތަކަމުގެ އަސާސާއި ޚިލާފް އެތައް ކަމެއްއެކުލެވޭ ކަމަކަށްވާއިރު، މިފަދަ ކަންކަން ކުރުމުގައި ދިވެހި ރައްޔިތުން ވިސްނަން ޖެހޭކަމަށެވެ.
ޔޯގާއަކީ ހަމައެކަނި ފިޒިކަލީ ކޮށްލާ ކަސްރަތެއް ނޫނެވެ. އެއީ އޭގައި، އިރަށް އަޅުކަން ކުރުމާއި އިސްލާމްދީނުގެވާ އެއްކައުނަވަންތަ ކަމުގެ އަސާސާއި، ފުށުއަރާ އެތަކެއްބަސް ތަކާއިއެކު ކުރާ ކަމެކެވެ! ކާފިރުންކުރާ ހުރިހާ ކަމެއް އަދި މުސްލިމުންނަކަށް ކުރެވޭކަށް ނޯވެއެވެ. އެކަން ދަންނާށެވެ.
– އަލީ ޒައިދު ވިދާޅުވިއެވެ.
Yoga aky hama ekani physically kollaa kasratheh nooneve! Eiy eygai, irah alhukan kurumaa, islam dheenuge vaa ekkauvantha kurumuge asaas aa fushuaraa ethakeh bas thakaa eku kuraa kamekeve! Kaafirun kuraa "hurihaa" kameh adhi Muslimunnakah kureveykah noave eve! Ekan dhannaasheve!
— Ali Zaid (@alizaid1000) January 21, 2021
ލޮނުޒިޔާރަތް ޕާކުގައި ކަސްރަތު ކުރުމަށް ހާއްސަ ސަރަހައްދެއްވެސް ވަނީ ގާއިމްކޮށްފައެވެ. ޔޯގާ ކްލާސްތައް ކުރިއަށް ގެންދިއުމަށް ހަމަޖެހިފައި ވަނީ އެތަނުގައެވެެ.
ކޮމެންޓު ފޮނުވާ