މާލޭގެ ބޮޑުތަކުރުފާނު މަގުގައި މިއަދު ހަވީރު ސައިކަލަކާއި ލޮރީއެއް ޖެހިގެން ހިނގި ނުރައްކާތެރި އެކްސިޑެންޓެއްގައި މީހަކު ނިޔާވެއްޖެއެވެ. މި ހާދިސާ ހިނގާފައިވަނީ މިއަދު ހަވީރު 4 ޖަހާކަންހާއިރު ބޮޑުތަކުރުފާނު މަގު، ދަރުބާރުގެ ކައިރިންނެވެ.
ފުލުހުން ވިދާޅުވި ގޮތުގައި މި އެކްސިޑެންޓްގައި އަނިޔާވި މީހާ ހޮސްޕިޓަލަށް ގެންދިޔަ އިރުވެސް ވަނީ ނިޔާވެފައެވެ. މި އެކްސިޑެންޓްގައި ނިޔާވެފައިވަނީ ފިރިހެނެއް ކަމަށް ފުލުހުން މައުލޫމާތު ދެއެވެ.
މި އެކްސިޑެންޓް ހިނގި ސަރަހައްދުގައި ތިބި ބައެއް މީހުން ބުނި ގޮތުގައި، ސައިކަލާއި ލޮރީ ޖެހި ހިނގި މި އެކްސިޑެންޓްގައި ނިޔާވި މީހާއަށް ވަރަށް ބޮޑެތި އަނިޔާތަކެއް ލިބިފައިވެއެވެ. ނަމަވެސް، ނިޔާވި މީހާއާ ބެހޭ އިތުރު ތަފްސީލެއް ނުވަތަ އޭނާއަށް ލިބުނު އަނިޔާތަކުގެ ތަފްސީލެއް ރަސްމީ އިދާރާއަކުން ހާމައެއް ނުކުރެއެވެ.
ކޮމެންޓު ފޮނުވާ