ގިނަ މީހުނަށް މާޒީއަކީ ހަނދާންނައްތާލާފައި ކުރިއަށް ކިތަންމެ ދާން ބޭނުންވިޔަސް އޭގެ އުނދަގޫޖެހޭ އެއްޗެކެވެ. 2020 ވަނަ އަހަރު ފަދަ އުނދަގޫ، ހިތްދަތި އަހަރެއް ހަނދާން ނައްތާލައި ކުރިއަށްދާން ވަރަށްބޮޑު ހިތްވަރެއް ބޭނުންވާނެ ނޫންތޯއެވެ. 2020 ވަނަ އަހަރު ވެގެންމި ދިޔައީ މުޅި އިންސާނީ ނަސްލަށްވެސް ބޮޑު އިމްތިހާނެއްކަހަލަ އަހަރެއްގެ ގޮތުގައެވެ.
ކޮންމެ ހާލެއްގައި ވިޔަސް 2020ވަނަ އަހަރު ނިންމާ އަޅުގަނޑުމެން މިހާރު މިތިބީ ފޮނި އުންމީދާއެކު 2021އަށް ކުރިމަތިލައިގެންނެވެ. މިދިޔަ އަހަރު ދިމާވި ހުރިހާކަމެއް ފޫބައްދަން އަޒުމު ކަނޑައަޅައި އެ އުންމީދާއެކު އެވެ.
ޕެންޑަމިކުގައި ދިމާވި ކަންތައް ހަނދާން ބަހައްޓަމުން ސެލެބްރިޓީއިން ކަމަށްވާ އަމިތު ސަދް، ކްރިތިކާ ކަމްރާ އަދި އަހާނާ ކުމްރާ ވަނީ އާ އަހަރާ ދިމާކޮށް ވަރަށް ތަފާތު އަޒުމުތަކެއް ކަނޑައަޅާފައެވެ.
ކްރިތިކާ ކަމްރާ އަކީ "ކިތްނީ މޮހޮއްބަތް ހޭ" ގެ "އާރޯހީ" ރޯލު ކުޅެފައިވާ ތަރިއެވެ. ކްރިތިކާގެ އާ އަހަރުގެ އަޒުމު ވަރަށް ތަފާތެވެ. އޭނާ މިއަހަރު ހުރީ އެއްވެސް އާ އަޒުމެއް ހިތުނޭޅުމުގެ އަޒުމުގައެވެ. އެގޮތުން ދިމާވާ ކޮންމެ ކަމަކާ ކުރިމަތި ލުމަށް އޭނާ ހުރީ ތައްޔާރަށެވެ. ނިމިދިޔަ އަހަރުގެ ހުރިހާކަމެއް ހަނދާން ނައްތާލާ ކުރިއަށް ދިއުމުގެ އުންމީދުގައެވެ.
View this post on Instagram
"ލިޕްސްޓިކް އަންޑާ މައި ބުރްކާ"އިން މަޝްހޫރުކަންހޯދި އަހާނާ ކުމްރާ ވެސް އާ އަހަރުގެ އަޒުމު ދާދި އެއްގޮތެވެ. އާ އަޒުމެއް ކަނޑަނޭޅުމުގެ އަޒުމުގައި ހުރި އަހާނާ ބުނީ ދިރިއުޅުމުގެ ކަންކަން ބޭނުންވާގޮތަށް ނުދާނެ ކަމަށެވެ. އެހެންކަމުން މާބޮޑު އަޒުމެއް ކަނޑައެޅުން އޭނާވެސް އިސްކަމެއްގެ ގޮތުގައި ނުދެކެއެވެ. 2020ގެ ކަންކަމުގެތެރެއިން ދިރިއުޅުމުން ފޮހެލެވޭނަމަ ފޮހެލަން ބޭނުމީ ކޮންކަމެއްތޯ އެހުމުން އޭނާބުނީ ޝައްކެއްވެސް ނެތްގޮތުގައި ކޮރޯނާ ވައިރަސް ކަމަށެވެ.
View this post on Instagram
"ކައި ޕޯޗޭ" އަދި "ސަރްކާރް3″ އިން ފެނިގެންދިޔަ އަމިތު ސަދްވެސް އަޒުމު ކަނޑައެޅީ ވަކި ލަނޑުދަނޑިއަކަށް މަސައްކަތްނުކޮށް، އެވަގުތެއްގައި ޖެހޭ މައްސަލަތަކަށް އަމިއްލައަށް ހައްލު ހޯދުމަށެވެ. އޭނާ ބުނީ މިއަހަރަކީ އަޒުމު ތަކަކާއި ލަނޑު ދަނޑިތަކަށް އިސްކަން ދިނުމަށްވުރެ ހައްލުތަކެއް ހޯދުން މުހިންމު އަހަރެއް ކަމަށެވެ. އެގޮތުން އެންމެން ގުޅިގެން އެންމެންގެ މައްސަލަތަކައްވެސް ހައްލު ހޯދޭނެ ކަމަށްވެސް އަމިތު ބުންޏެވެ.
View this post on Instagram
