ނޯވޭގެ ވެރިރަށް އޮސްލޯގައި ހުންނަ އެމެރިކާގެ އެމްބަސީ ކައިރީގައި މިއަދު ފަތިހު ބާރުގަދަ އެއްޗެއް ގޮއްވާލައިފިއެވެ. ނަމަވެސް މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.
އޮސްލޯގެ ހުޅަނގު ސަރަހައްދުގައި ހުންނަ އެމްބަސީ ކައިރީގައި މި ހާދިސާ ހިނގާފައިވަނީ ރޭގަނޑު 1:00 (ޖީއެމްޓީން 00:00) ހާއިރުއެވެ. ފުލުހުންގެ ތަހުގީގަށް މިހާތަނަށް އެނގިފައިވާ ގޮތުގައި، މި އެއްޗެއް ގޮއްވާލާފައިވަނީ އެމްބަސީގެ ކޮންސިއުލާ ސެކްޝަނަށް ވަންނަ މައި ދޮރުމަތީގައެވެ. ބާރުގަދަ އަޑަކާއެކު އެ ސަރަހައްދަށް ބޯ ދުންގަނޑެއް ފެތުރިގެންދިޔަ މަންޒަރު ފެނުނު ކަމަށް އެ ވަގުތު އެތަނުން ދަތުރުކުރި މީހުން ވަނީ މައުލޫމާތު ދީފައެވެ. މި ގޮވުމުގެ ސަބަބުން އެމްބަސީގެ އިމާރާތަށް ކުދިކުދި ގެއްލުންތަކެއް ވަނީ ލިބިފައެވެ.
މި ނުރައްކާތެރި ހާދިސާއާ ގުޅިގެން ނޯވޭގެ ފުލުހުން މިހާރު އަންނަނީ އެ ސަރަހައްދުގައި ފުޅާ ދާއިރާއެއްގައި ޚާއްސަ އޮޕަރޭޝަނެއް ހިންގަމުންނެވެ. އެގޮތުން، މި ހަމަލާ ދިންކަމަށް ޝައްކުކުރެވޭ ފަރާތްތައް ހޯދުމަށްޓަކައި ހެލިކޮޕްޓަރާއި، ޑްރޯން އަދި ސްނިފާ ކުއްތާ ބޭނުންކޮށްގެން އެ ސަރަހައްދު ދަނީ ވަރަށް ރަނގަޅަށް ބަލައި ފާސްކުރަމުންނެވެ. ފުލުހުން އިތުރަށް ބުނެފައިވަނީ އެ ސަރަހައްދު ބަލައި ފާސްކުރި ކުރުމުން އިތުރު އެއްވެސް ގޮވާ އެއްޗެއް ފެނިފައި ނުވާ ކަމަށެވެ.
ކޮމެންޓު ފޮނުވާ