ޕީޕަލްސް ނޭޝަނަލް ކޮންގްރެސް (ޕީއެންސީ) ގެ ފަރާތުން އިންތިޒާމުކޮށްގެން ބާއްވާ "ދަ ގްރޭޓަރ އައްޑޫ" ޚާއްޞަ ޖަލްސާ މިރޭ 21:30 ގައި މާލޭ އާޓިފިޝަލް ބީޗުގައި ބޭއްވުމަށް ހަމަޖެހިއްޖެއެވެ.
މިއީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން އައްޑޫ ސިޓީގެ ތަރައްޤީއަށް އެކުލަވާލާފައިވާ "ދަ ގްރޭޓަރ އައްޑޫ ވިޝަން" ރަސްމީކޮށް އިފްތިތާޙުކޮށް، އޭގެ ތަފްސީލުތައް އާންމުންނާ ހިއްސާކުރުމަށް ބާއްވާ ވަރަށް މުހިންމު ހަރަކާތެކެވެ. މީގެ އިތުރުން، ކުރިއަށް އޮތް ލޯކަލް ކައުންސިލް އިންތިޚާބުގައި ޕީއެންސީގެ ޓިކެޓުގައި އައްޑޫ ސިޓީ ކައުންސިލަށް ވާދަކުރައްވާ ކެންޑިޑޭޓުން އާންމުންނަށް ތަޢާރަފުކުރުންވެސް މި ޖަލްސާގެ ތެރެއިން ކުރިއަށްދާނެއެވެ.
މިރޭގެ ބައްދަލުވުމުގައި އައްޑޫގެ މުސްތަޤުބަލާ ގުޅޭގޮތުން ސަރުކާރުން ރާވާފައިވާ ބިޔަ ތަރައްޤީގެ މަޝްރޫޢުތަކުގެ ފުޅާ މަޢުލޫމާތުތަކެއް ދިނުމަށް ވަނީ ހަމަޖެހިފައެވެ. ދައުލަތުގެ އިސްވެރިންނާއި ޕީއެންސީގެ އިސް ބޭފުޅުން ބައިވެރިވެވަޑައިގަންނަވާ މި ޖަލްސާއަށް، މާލޭގައި ދިރިއުޅޭ އައްޑޫގެ އެންމެހާ ރައްޔިތުންނާއި އެ ސިޓީގެ ކުރިއެރުމަށް އެދޭ ހުރިހާ ފަރާތްތަކުން ވަޑައިގަތުމަށް އެ ޕާޓީން ވަނީ އާންމުކޮށް ދަޢުވަތު އަރުވާފައެވެ.
ކޮމެންޓު ފޮނުވާ