އެމެރިކާގެ ރައީސް ޑޯނަލްޑް ޓްރަމްޕް ކޯވިޑުން ރަގަޅުވެއްޖެ ކަމަށް އެމަނިކްފާނަށް ފަރުވާދެމުން އައި ޚާއްސަ މެޑިކަލް ޓީމުން ހާމަ ކޮށްފިއެވެ.
ޓްރަމްޕްގެ ޚާއްސް ޑޮކްޓަރ ސީން ކޮންލޭ ނެރުއްވި މެމޯއެއްގައި ވިދާޅުވެފައިވަނީ ޓްރަމްގެ ފަރާތުން މިހާރު ކޯވިޑް ނުފެތުރޭނެ ކަމަށާއި އަދި އެމަނިކްފާނުގެ އައިސޮލޭޝަން މިހާރު ނިމުމަކަށް ގެނެވިފައިވާ ކަމަށެވެ. ޓްރަމްޕް ކޯވިޑަށް ޕޮޒިޓިވް ވިތާ ދިހަ ދުވަސް ފަހުން، ޓްރަމްޕްގެ ފަތާރުން އިތުރަށް ކޯވިޑް ނުފެތުރޭނެކަން ޑޮކްޓަރ އިއުލާން ކުރައްވާފައިރު، މިބައްޔަށް ފަރުވާ ކުރުމަށްޓަކާ ޓްރަމްޕް ވަނީ ތިން ދުވަސް ވަންދެން އެމެރިކާގެ މިލިޓަރީ ހޮސްޕިޓަލެއްކަމުގައިވާ ވާލްޓަރ ރީޑް މެޑިކަލް ސެންޓަރގައި އެޑްމިޓް ކޮށްގެން ފަރުވާވެސް ދީފައެވެ. ޓްރަމްޕްގެ ޚާއްސަ ޑޮކްޓަރ ހާމަ ކުރައްވާފައިވާ ގޮތުގައި ބައްޔަށް ޕޮޒިޓިވް ވުމުގެ ސަބަބުން ޓްރަޕް ފެއްޓެވި އައިސޮލޭޝަން ރަސްމީކޮށް ނިމުމަކަށް ގެނެސްފައި މިވަނީ އެގައުމުގެ ސެންޓަރ ފޯރ ޑިސީސް ކޮންޓަރޯލް އެންޑް ޕްރިވެންޝަން (ސީޑީސީ)އިން ކަނޑައަޅާފއިވާ ކްރައިޓީރީތަކާއި އެއްގޮތްވާ ގޮތުގެ މަތިންނެވެ.
އެމެރިކާގެ ސީޑީސީގެ ކްރައިޓީއާތައް ބުނާގޮތުން، ކޯވިޑް19 އަށް ޕޮޒިޓިވެ ވެއްޖެނަމަ އެމީހެއްގެ ކިބައިން އަލާމާތްތައް ފެންނަން ފަށާ ދުވަހުން ފެށިގެން 10 ދުވަހަށް އެމީހަކު އައިސޮލޭޓް ވާންޖެހެއެވެ. އަދި ކޮވިޑްގެ އަލާމަތެއް ނުފެނި ދާތާ 10 ވަނަ ދުވަހު ނުވަތަ އޭގެ ފަހުގެ ދުވަހެއްގައި އައިސޮލޭޝަން ނިމުމަކަށް ގެންނަން ވާނީ ހުން އައުމަކާއި ނުލާ 24 ގަޑިއިރު ފާއިތުވެދިއުމަށް ފަހުއެވެ.
ޓްރަމްޕް ކޯވިޑަށް ޕޮޒިޓިވް ވުމާއިއެކު ބަލީގެ ކުރީކޮޅު އެމަނިކްފާނަށް ވަނީ އޮކްސީޖަން ޓްރީޓްމަންޓްގެ އިތުރުން ޑެކްސަމެތަސަން ނަމަކަށް ކިޔާ ބޭހެއް ފަރުވާއެއްގެ ގޮތުގައި ދީފައެވެ. ޑެކްސަމެތަސަން އަކީ ކޯވިޑް19 އަށް ޕޮޒޮޓިވްވެ ބޮޑުވަރު ވުމުގެ ސަބަބުން ފުއްޕާމެއަށް ގެއްލުންވާ ހާލަތްތަކުގައި އާމުކޮށް ދެވޭ ފަރުވާއެކެވެ.
ހޮނިހުރު ދުވަހުގެ ހެދުނު ޓްރަމްޕްގެ ކޯވިޑް ޓެސްޓްގެ ސާމްޕަލް ނަގާފައިވި ނަމަވެސް، ޓްރަމް ކޯވިޑަށް ނެގެޓިވްވި ކަމެއް ޑޮކްޓަރުންގެ ޓީމުން ހާމަކުރައްވާފައެއް ނުވެއެވެ. މީގެ ދިހަ ދުވަސް ކުރިން ޓްރަމް ކޯވިޑަށް ޕޮޒިޓިވް ވެފައި މިވަނީ އެމެރިކާގެ ރިޔާސީ އިންތިޚާބަށް އެންމެ 22 ދުވަހަށް ވެފައި ވަނިކޮށެވެ.
