ފުލުހުންނާއި ކަމާބެހޭ މުއައްސަސާތައް ގުޅިގެން ހިންގި ޚާއްސަ އޮޕަރޭޝަނެއްގައި، ޤަވާއިދާ ޚިލާފަށް ބިދޭސީން ހިންގަމުންދިޔަ ދެ ވިޔަފާރިއެއް ހުއްޓުވައި، ހަތް މީހަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ. ފުލުހުން ހާމަކުރި ގޮތުގައި، އިމިގްރޭޝަނާއި ކަސްޓަމްސް އަދި އެމްއެފްޑީއޭ ގުޅިގެން ހިންގި މި އޮޕަރޭޝަންގައި ޖުމްލަ ފަސް ތަނެއް ބަލައި ފާސްކޮށްފައިވާއިރު، އޭގެ ތެރެއިން ދެ ތަނެއް ވަނީ ނޯޓިސް ދިނުމަށްފަހު ބަންދުކޮށްފައެވެ.
މިއީ ރާއްޖޭގައި ޤަވާއިދާ ޚިލާފަށް އުޅޭ ބިދޭސީން ހޯދައި، އެމީހުން އަނބުރާ ޤައުމަށް ފޮނުވާލުމަށާއި، އިޤްތިޞާދީ އަދި އިޖުތިމާޢީ ރައްކާތެރިކަން ކަށަވަރުކުރުމަށް ކުރިއަށްގެންދާ ސިލްސިލާ މަސައްކަތްތަކުގެ ތެރެއިން އެޅުނު ފިޔަވަޅެއް ކަމަށް ފުލުހުން ބުނެއެވެ.
ކޮމެންޓު ފޮނުވާ