މަގުމަތީގެ ސަލާމަތާއި ރައްކާތެރިކަން ކަށަވަރުކުރުމަށް ފުލުހުން ސިލްސިލާކޮށް ކުރިއަށްގެންދާ "ރައްކާ" ކެމްޕެއިން، ކޮމިޝަނަރ އޮފް ޕޮލިސް އިސްމާޢީލް ނަވީން މިއަދު އިފްތިތާހުކޮށްދެއްވައިފިއެވެ. އިސްކަންދަރު ބިލްޑިންގގައި ބޭއްވި ޚާއްސަ ރަސްމިއްޔާތެއްގައި މި ކެމްޕެއިން ފައްޓަވައިދެއްވިއިރު، މި އަހަރުގެ ހަރަކާތްތަކުގައި ބޭނުންކުރުމަށް ކަނޑައަޅާފައިވާ ހޭޝްޓެގަކީ "ރަނގަޅުކޮށްލާ" އެވެ.
މުޅި ރާއްޖެއަށް އަމާޒުކޮށްގެން، އަހަރު ދުވަހަށް ބަހާލައިގެން ކުރިއަށްގެންދާ މި ކެމްޕެއިންގައި ސްކޫލް ކުދިންނާއި، ބެލެނިވެރިންގެ އިތުރުން ޓެކްސީ ޑްރައިވަރުންނާއި އާންމުން ހޭލުންތެރިކުރުމުގެ ގިނަ ހަރަކާތްތަކެއް ހިމެނެއެވެ. އޭގެ ތެރޭގައި ރޯޑް ޝޯތަކާއި، ޓްރެފިކް މޮނީޓާސް ޕްރޮގްރާމްތަކުގެ އިތުރުން ސަރުކާރާއި އަމިއްލަ ކުންފުނިތަކުގެ މުވައްޒަފުންނަށް ޚާއްސަ ސެޝަންތައް ވެސް ކުރިއަށް ގެންދިއުމަށް ވަނީ ހަމަޖެހިފައެވެ.
މި ކެމްޕެއިން އިފްތިތާހު ކުރުމުގެ ރަސްމިއްޔާތުގައި އެމްޓީސީސީ، އެޗްޑީސީ، އުރީދޫ، އެލައިޑް އަދި ޝީޝާ ފަދަ ބޮޑެތި ކުންފުނިތަކުގެ އިސްވެރިންނާއި ފުލުހުންގެ މަތީ ފަންތީގެ އޮފިސަރުން ބައިވެރިވެވަޑައިގެންނެވިއެވެ.
ކޮމެންޓު ފޮނުވާ