ހިއުމަން ރައިޓްސް ކޮމިޝަން (އެޗްއާރުސީއެމް)ގެ ރައީސްކަމަށް ކުރީގެ މިނިސްޓަރު ޑރ. އައިޝަތު ރަމީލާ އައްޔަންކުރުމަށް ރައްޔިތުންގެ މަޖިލީހުން މިއަދު ފާސްކޮށްފިއެވެ. އޭނާ މި މަގާމަށް ފެންނަ ކަމަށް ފާސްކުރީ މަޖިލީހުގެ ދައުރުން ބޭރުގައި ބޭއްވި ޖަލްސާގައި ބޭއްވުނު ވޯޓުގައި 38 މެމްބަރުންގެ އިއްތިފާގުންނެވެ.
ރަމީލާގެ ނަން ދިރާސާކުރުމަށް މަޖިލީހުގެ ހިއުމަން ރައިޓްސް އެންޑް ޖެންޑާ ކޮމެޓީއަށް ފޮނުވުމުން، ކޮމެޓީން އިއްޔެ އޭނާ އެޗްއާރުސީއެމްގެ ރައީސަކަށް އައްޔަންކުރަން ފެންނަ ކަމަށް ނިންމާފައިވެއެވެ. މިހާރު އެޗްއާރުސީއެމްގެ މެމްބަރުކަމުގެ މަގާމުގައި ހުންނެވި ރަމީލާ އެމަގާމަށް އައްޔަންކުރީ މިދިޔަ މަހު މަޖިލީހުގެ ރުހުމާ އެކުއެވެ.
މިހާރު، ދައުރުން ބޭރުގައި ބާއްވާ ޖަލްސާތަކާ ގުޅިގެން މައްސަލަތައް ހުރިކަމަށް ބުނެ އިދިކޮޅު އެމްޑީޕީގެ މެމްބަރުން މިއަދުގެ ޖަލްސާ ބޮއިކޮޓްކޮށްފައި ވެއެވެ.
ކޮމެންޓު ފޮނުވާ