ވެނެޒުއޭލާގެ ރައީސް ނިކޮލަސް މަޑޫރޯ އާއި އެމަނިކުފާނުގެ އަނބިކަނބަލުން ސިލިއާ ފްލޯރެސް "ވަގަށް ނަގައިގެން" ގެންގޮސްފައިވާ ކަމަށް އެމެރިކާގެ ރައީސް ޑޮނަލްޑް ޓްރަމްޕް ޓްރުތު ސޯޝަލްގައި އިއުލާންކުރައްވައިފި އެވެ. ގެންދެވި ތަނެއް ހާމަކުރައްވާފައެއް ނުވެ އެވެ.
އެމެރިކާގެ އެޓާނީ ޖެނެރަލް ޕަމެލާ ބޮންޑީ ވިދާޅުވި ގޮތުގައި މި ދެ ބޭފުޅުންގެ މައްޗަށް ނިއު ޔޯކުގައި ބޮޑެތި ދައުވާތަކެއް އުފުލާފައިވެ އެވެ. މީގެ ތެރޭގައި މަސްތުވާތަކެތީގެ ވިޔަފާރިއާ ގުޅުންހުރި ޓެރަރިޒަމްގެ އަމަލުތައް ރޭވުމާއި، ކޮކެއިން އެތެރެކުރުމާއި، ނުރައްކާތެރި ހަތިޔާރު ގެންގުޅުމުގެ ދައުވާ ހިމެނެ އެވެ.
މި އޮޕަރޭޝަންގައި އެމެރިކާއިން ވެނެޒުއޭލާގެ އަސްކަރީ ތަންތަނަށް ވަރުގަދަ ހަމަލާތަކެއް ދީފައިވާއިރު، އެ ގައުމުގައި މިހާރު ވަނީ ކުއްލި ނުރައްކަލުގެ ހާލަތު އިއުލާންކޮށްފަ އެވެ. ވެނެޒުއޭލާގެ ސަރުކާރުން ބުނެފައިވަނީ މަޑޫރޯ ވީތަނެއް ސަރުކާރަށް ނޭގޭ ކަމަށެވެ.
މީގެކުރިން ޓްރަމްޕް ވަނީ ވެނެޒުއާލާއިން ހިންގަމުންދާ ޑްރަގް ޓްރެފިކިންގެ ނެޓްވާކްތަކާއި ދެކޮޅަށް ހަރުކަށި ފިޔަވަޅުތައް އެޅުމަށް އެގައުމުން ދަނީ ތައްޔާރު ވަމުންނެވެ. އަދި އެމެރިކާގެ އަސްކަރިއްޔާއިން ވަނީ ކަނޑުމަގުން އެމެރިކާއަށް މަސްތުވާތަކެތި އުފުލަމުން ދިޔަ އެތައް އުޅަނދަކަށް ބުނެ ވައިގެ ހަމަލާތަކެއް ދީފައެވެ.
އެމެރިކާއިން ފާއިތުވެދިޔަ ތަނުގައި ވަނީ މަޑޫރީ ހައްޔަރު ކުރެވޭނެފަދަ މައުލޫމާތު ފޯރުކޮށްދިން ފަރާތަކަށް 50 މިލިއަން ޑޮލަރުގެ ފައިސާގެ އިނާމުވެސް ހުށަހަޅާފައެވެ.
ފާއިތުވި ހަފްތާގައި ދިން އިންޓަވިއުއެއްގައި މަޑުރޯވަނީ ޑްރަގް ޓްރެފިކިންގެ މައްސަލާގައި އެމެރިކާއާއި ވާހަކަދައްކަވަން ތައްޔާރަށް ހުނެވިކަމަށް ވިދާޅުވެފައެވެ. އޭނާ ވިދާޅުވެފައިވަމީ އެމެރިކާއިން ބޭނުން ތަނެއްގައި، ބޭނުން ވަގުތެއްގައި މަޝްވަރާތައް ކުރިޔަށް ގެންދަވަން ތައްޔާރަށް ހުންނެވި ކަމަށެވެ.
ކޮމެންޓު ފޮނުވާ