ގަވާއިދާ ހިލާފަށް ބިދޭސީން ހިންގާ ވިޔަފާރިތައް ހުއްޓުވުމަށް އުފައްދާފައިވާ ޓާސްކުފޯހުން ދެ ދުވަސް ތެރޭ މާލޭގެ އަށް މަސާޖުޕާލާއެއް ބަންދުކޮށް، ހަތް ބިދޭސީއަކު އިމިގްރޭޝަންގެ ބެލުމުގެ ދަށަށް ގެނެސްފިއެވެ.
އިމިގްރޭޝަނުން ބުނީ އިއްޔެ ހަތަރު ތަނެއް ފާސްކޮށް ތިން ބިދޭސީއަކު ހައްޔަރުކުރިއިރު، އޭގެ ކުރީ ދުވަހުގެ ރޭ ވެސް ހަތަރު ތަނެއް ބަންދުކޮށް ހަތަރު ބިދޭސީއަކު ހައްޔަރުކޮށްފައިވާ ކަމަށެވެ. މި ތަންތަނުގެ ވިޔަފާރި ވަގުތުން ހުއްޓުވުމުގެ ފިޔަވަޅު އިކޮނޮމިކް މިނިސްޓްރީން ވަނީ އަޅާފައެވެ.
މަސާޖުޕާލާގެ ނަމުގައި ހިންގާ މި ތަންތަނަކީ ހަށިވިއްކުމަށް ހިންގާ ވިޔަފާރިތަކެއް ކަމުގެ ތުހުމަތު ބޮޑެވެ. ދިވެހިންގެ ނަމުގައި ރަޖިސްޓަރީކޮށް، ބިދޭސީންނަށް ހުރިހާ ބާރެއް ދީގެން ހިންގާ މި ތަންތަނުގެ މައްސަލަ ސޯޝަލް މީޑިއާގައި އާންމުން ފާޅުކުރަމުންދާއިރު، ރައީސް ޑރ. މުއިއްޒު ދާދި ފަހުން މާލޭގެ ރައްޔިތުންނާ ބައްދަލުކުރެއްވިއިރު ވެސް މިއީ ރައްޔިތުންގެ ބޮޑު ޝަކުވާއެކެވެ.
ކޮމެންޓު ފޮނުވާ