ކުޑަކުދިންތަކަކަށް ޖިންސީ ގޯނާކުރި ކަމުގެ ތުހުމަތުގައި "ދަ ޓްރެވެލް ގައިސް ޕްރައިވެޓް ލިމިޓެޑް" ގައި އިސްކޮށް ހަރަކާތްތެރިވި ހުސައިން ސަނީ އުމަރު ފުލުހުންގެ ފެމިލީ އެންޑް ޗައިލްޑް ޕްރޮޓެކްޝަން އިދާރާއަށް ހާޒިރުކޮށް ސުވާލުކޮށްފި އެވެ.
ހަލާލް ޓޫރިޒަމް ބްރޭންޑެއްގެ ދަށުން ޓްރެވެލް އެޖެންސީއަކާއި ޕީއާރު ފާމެއް ހިންގި ސަނީގެ މައްޗަށް ކުރެވޭ މި ތުހުމަތު ފުލުހުންނަށް ހުށަހެޅީ އެ ކުދިންގެ އާއިލާގެ ފަރާތުންނެވެ. މި މައްސަލަ ސޯޝަލް މީޑިއާގައި ވެސް ފެންމަތިވެފައިވެ އެވެ.
މި ތުހުމަތުތަކާ ގުޅިގެން ދަ ޓްރެވެލް ގައިސް އިން ވަނީ ސަނީގެ ހިއްސާ އަތުލަން ނިންމައި، ކުންފުނީގެ ހިންގުމުގައި އޭނާގެ ބައިވެރިވުމެއް ނެތް ކަމަށް ހާމަކޮށްފަ އެވެ. ސަނީ ހައްޔަރުކުރިކަމެއް ނުވަތަ އިތުރު ތަފްސީލެއް ފުލުހުން އަދި ހާމައެއް ނުކުރެ އެވެ.
ކޮމެންޓު ފޮނުވާ