އިނގިރޭސި ޝާހީ އާއިލާގެ މެމްބަރު ޕްރިންސް ހެރީގެ އަނބިކަނބަލުން މޭގަން މާކަލް، ދިގު އަހަރުތަކެއްގެ މެދުކެނޑުމަކަށްފަހު އަލުން ފިލްމީ ދާއިރާ އަށް ވަނުމަށް ތައްޔާރުވެއްޖެ އެވެ. "ސޫޓްސް" ސީރީޒުން މަޝްހޫރުވި މޭގަން، ކުރިއަށް އޮތް ހޮލީވުޑް ފިލްމެއްގައި ހާއްސަ ފެނިލުމަކުން ބައިވެރިވުމަށް ވަނީ ނިންމާފައެވެ.
"އެމިލީ އިން ޕެރިސް" ގެ ތަރި ލިލީ ކޮލިންސްއާއި ޖެކް ކުއައިޑް މައި ރޯލުތަކުން ފެނިގެންދާ މި ފިލްމުގައި މޭގަން ބައިވެރިވަނީ މަދު ސީންތަކެއްގަ އެވެ. ފިލްމުގެ އުފެއްދުންތެރިން މޭގަންގެ ގާތް ރަހުމަތްތެރިންނަށް ވުމުން އޭނާ މި ފިލްމަށް އެއްބަސްވި ކަމަށް ހަބަރުތައް ބުނެ އެވެ.
ޕްރިންސް ހެރީއާ ކައިވެނި ކުރުމަށްފަހު ޝާހީ އާއިލާގެ ގަވާއިދުތަކާ ގުޅިގެން އެކްޓްރެސްކަން ދޫކޮށްލި މޭގަން، މިހާރު އެ ދުނިޔެ އަށް އަލުން ވަންނަން ތައްޔާރުވަނީ ޝާހީ ވަޒީފާތަކުން ދުރަށްޖެހިލުމަށްފަހު އެވެ.
ކޮމެންޓު ފޮނުވާ