މި ސަރުކާރުގެ ފުރަތަމަ ދަނޑުވެރިކަމާއި ދިރޭތަކެއްޗާ ބެހޭ ވަޒީރު ޑރ. އާއިޝަތު ރަމީލާ ހިއުމަން ރައިޓްސް ކޮމިޝަން އޮފް ދަ މޯލްޑިވްސްގެ މެންބަރުކަމަށް އައްޔަން ކުރުމަށް ރައްޔިތުންގެ މަޖިލީހުން މިއަދު ރުހުންދީފިއެވެ. މި މަހުގެ ދެވަނަ ދުވަހު ރައީސް ޑރ. މުޙައްމަދު މުޢިއްޒު ޑރ. ރަމީލާގެ ނަން މަޖިލީހަށް ހުށަހެޅުއްވި އިރު، މިއަދުގެ ޖަލްސާގައި ވަނީ އެ އައްޔަނަށް ރުހުން ދެއްވާފައެވެ.
އެޗްއާރުސީއެމްގެ ރައީސް މަރިޔަމް މުނާގެ މަގާމުގެ މުއްދަތު ހަމަވުމުން މި ފުރުސަތު ހުޅުވާލެވިފައިވާއިރު، ޑރ. ރަމީލާ އަކީ ޞިއްޙީ ކަންކަމުގެ ސަބަބުން މިދިޔަ އަހަރުގެ ޑިސެމްބަރު މަހު ވަޒީރުކަމުން އިސްތިއުފާ ދެއްވި ބޭފުޅެކެވެ. މިހާރު އެޗްއާރުސީއެމްގައި ހިމެނެނީ ނައިބު ރައީސް މުޙައްމަދު ޝަފީޤް މަޙްމޫދާއި މެންބަރުން ސަމާއު އަހުމަދު ނަޖީބް، އިސްމާއިލް ހަބީބް އަދި އަޙްމަދު މަޤުސޫމެވެ.
ކޮމެންޓު ފޮނުވާ