މާފަންނު ޕޮލިސް ސްޓޭޝަނުން ތަހުގީގުކުރަމުން އަންނަ ސައިކަލްތަކަކަށް ގެއްލުން ލިބުނު މައްސަލައެއްގައި ފުލުހުން ވަނީ މީހަކު ހޯދަން ފަށައިފައެވެ.
އެކަމާ ގުޅިގެން ފުލުހުން އާންމުކޮށްފައިވާ ވީޑިއޯއިން ފެންނަނީ ޕާކިން ޒޯނެއްގައި ޕާކުކޮށްފައިވާ ސައިކަލުތަކެއް ކައިރިން ފިރިހެން މީހަކު ހިނގައިދާއިރު، އޭނާގެ ގައިގައި ޖެހި ތިން ސައިކަލެއް އެއްފަހަރާ ވެއްޓިފައިވާ މަންޒަރެވެ. އެހިނދު އެމީހާ ސައިކަލުތައް ވެއްޓުމަށް ބަލައިނުލާ އެނބުރި ދިޔަކަން ވީޑިއޯއިން ފެނެއެވެ.
ވީޑިއޯއިން ފެންނަ މީހާ އަދި ދެނެގަނެވިފައި ނުވާތީ އޭނާއަކީ ކާކުކަން ބުނެދޭން ފުލުހުން ވަނީ ރައްޔިތުންގެ އެހީތެރިކަން ބޭނުންވެފައެވެ. މި މީހާއާ ބެހޭ މައުލޫމާތު ލިބިފައިވާ ފަރާތްތަކުން މާފަންނު ޕޮލިސް ސްޓޭޝަނަށް 9660183 ނުވަތަ ފުލުހުންގެ ހޮޓްލައިން 3322112 އަށް ގުޅުއްވައި އެ މައުލޫމާތު ހިއްސާކުރުމަށް ފުލުހުން އެދެއެވެ.
ކޮމެންޓު ފޮނުވާ