ރާއްޖޭގެ 36 ރަށެއްގައި ފުލުހުންގެ އިމާރާތްތައް އަޅަން މިއަދު ފުލުހުން އިއުލާނު ކޮށްފިއެވެ. މި މަޝްރޫޢު ހަވާލުކުރުމަށް އެދި ފުލުހުން ކުރި އިއުލާނުގައި ބުނީ، މި މަސައްކަތް ކުރުމަށް ޝައުޤުވެރިވާ ފަރާތްތަކުން އަންނަ ހޯމަ ދުވަހުގެ މެންދުރުފަހު 12:00 ގެ ކުރިން ރަޖިސްޓްރީ ވުމަށް އެދިފައިވާ ކަމަށެވެ.
ރަޖިސްޓްރޭޝަން ފުރިހަމަވުމުން، ޕްރޮޕޯސަލް ހުށަހެޅުމަށް ބޭނުންވާ މަޢުލޫމާތު އީމެއިލް މެދުވެރިކޮށް ފޮނުވާނެ ކަމަށް ފުލުހުން ބުނެފައިވެއެވެ. މި މަޝްރޫއާ ގުޅޭ ސުވާލުތައް މާދަމާ މެންދުރުފަހު 12:00 ގެ ކުރިން [email protected] އަށް ފޮނުވުމަށް އެދިފައިވެއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އަތޮޅުތެރެއަށް ކުރައްވަމުން ގެންދަވާ ދަތުރުފުޅުތަކުގައި، ފުލުހުންގެ ޚިދުމަތް ނެތް ރަށްރަށުގައި ޕޮލިސް ސްޓޭޝަން އެޅުމުގެ މަޝްރޫޢުތައް ފަށަމުން، އެތައް ރަށެއްގައި މި މަސައްކަތުގެ ބިންގާ އަޅުއްވަމުން ގެންދަވައެވެ.
ކޮމެންޓު ފޮނުވާ