މިދިޔަ ސެޕްޓެމްބަރު މަހު ޓްރެފިކް ވަޔަލޭޝަން 1447 މައްސަލައެއް ބެލިކަމަށް ފުލުހުން ހާމަކޮށްފި އެވެ.
ފުލުހުން ނެރުނު ތަފާސް ހިސާބުތަކުން ދައްކާ ގޮތުގައި މި މަހު 2922 ވެހިކަލް ޗެކް ކުރެވިފައިވާއިރު، ޓްރެފިކް ގަވާއިދާ ހިލާފުވި 804 ފަރާތަކަށް ނަސޭހަތްތެރިވެ ދޫކޮށްލެވިފައިވާ ކަމަށެވެ. މި މުއްދަތުގައި 207 އެކްސިޑެންޓެއް ހިނގާފައިވާއިރު، 25 މީހަކަށް އެކްސިޑެންޓުތަކުގައި އަނިޔާވެފައިވެ އެވެ.
މީގެ އިތުރުން 717 ހަތަރު ފުރޮޅު އުޅަންދާއި 134 ދެ ފުރޮޅު އުޅަނދު ޓޯ ކުރެވިފައިވާ ކަމަށާއި، އެއީ ވެހިކަލް މޮޑިފިކޭޝަންގެ ސަބަބުން 3 އުޅަނދާއި ލައިސަންސް ނެތި ދުއްވުމުގެ ސަބަބުން 145 އުޅަނދު ކަމަށް ފުލުހުން ހާމަކުރި އެވެ. އެކި ސަބަބުތަކާ ހެދި 569 ލައިސަންސް އަތުލެވިފައިވާއިރު، 140 ވެހިކަލް ރީލޯކޭޓް ކުރެވިފައިވެ އެވެ. ގަވާއިދާ ހިލާފަށް ޕާކް ކޮށްފައިވާ ވެހިކަލްތައް ނެގުމަށް މި މުއްދަތުގައި 2752 ކޯލް ލިބިފައިވެ އެވެ.
ޓްރެފިކް ވަޔަލޭޝަންތަކުގެ ތެރޭގައި ލޭން ބަދަލުކުރުމުގެ 1239 މައްސަލައާއި، ހެޑްސެޓް އަޅައިގެން ދުއްވުމުގެ 136 މައްސަލައާއި، ކާގޯ ރެގިއުލޭޝަނާ ހިލާފުވެގެން 47 ވެހިކަލް ހިމެނެ އެވެ. މީގެ އިތުރުން ނުރައްކާތެރިކޮށް ދުއްވުމުގެ ސަބަބުން 20 ވެހިކަލް ހުއްޓުވިފައިވާއިރު، ރަޖިސްޓްރޭޝަން ނަންބަރުގެ މައްސަލައާ ގުޅިގެން 6 ވެހިކަލް ހުއްޓުވިފައިވެ އެވެ.
ރައްޔިތުން މި ކަންކަމަށް އަހުލުވެރިކުރުމަށް ފުލުހުން 90 ގަޑިއިރުގެ އަހުލުވެރިކުރުމުގެ ޕްރޮގްރާމާއި 30 މަގުމަތީ ސަލާމަތާ ބެހޭ ޕްރޮގްރާމް ހިންގާފައިވާ ކަމަށާއި، ޓީވީ އަދި ރޭޑިޔޯއިން 21 ޕްރޮގްރާމް ކުރިޔަށް ގެންގޮސްފައިވާ ކަމަށް އެ އިދާރާއިން ބުންޏެވެ.
ކޮމެންޓު ފޮނުވާ