އިދިކޮޅު އެމްޑީޕީން މިދިޔަ ހުކުރު ދުވަހުގެރޭ ބޭއްވި މުޒާހަރާއަށް ބަޑިޖަހާށޭ ގޮވާލާ ފޭސްބުކް ޕޯސްޓެއް ކުރި ކަމަށް ބުނާ ޝުއައިބު އަލީ ފުލުހުން ހާޒިރުކުރަން މަސައްކަތްކުރަމުންދާ ކަމަށް އެނގިފައިވެއެވެ. ސޯޝަލް މީޑިއާގައި ދައުރުވާ ސްކްރީންޝޮޓްތަކުން ފެންނަ ގޮތުގައި ޝުއައިބު ވަނީ "މުޒާހަރާގެ ބައިވެރިން ހުއްދަ ދިން ގޮތާ ހިލާފުވާނަމަ ތަޅައި ތިރިކޮށްލަންވީ، ބަޑި ވެސް ޖަހަންވީ" ކަމަށް ފޭސްބުކްގައި ލިޔެފައެވެ.
ގަލޮޅު ފުލުހުންގެ އިދާރާއަށް ހާޒިރުވަން އަންގާފައިވާ ކަމަށް ބުނެ ރޭ ޝުއައިބު ކުރި ޕޯސްޓެއްގައި ވަނީ، އޭނާ މިހާރު ހުރީ އަތޮޅުތެރޭގައި ކަމަށާއި، އޭނާގެ ބަޔާން ނެގުމަށް ފުލުހުން އެހެން ގޮތެއް ހަމަޖައްސަމުންދާ ކަމަށް މައުލޫމާތު ލިބިފައިވާ ކަމަށް ލިޔެފައެވެ. އޭނާ ވަނީ އެ ޕޯސްޓުތައް ދިފާއުކޮށް، ހަގީގަތް އޮޅޭ ގޮތަށް ދައުރުކުރި ކަމަށް ތުހުމަތުކޮށްފައެވެ.
ޝުއައިބު ވަނީ އޭނާގެ ޕޯސްޓަކީ ފުލުހުން އެއްވުންތައް މައިތިރިކުރުމަށް ބޭނުންކުރާ ތަފާތު އުކުޅުތަކާ ބެހޭ ގޮތުން ކުރި ސުވާލެއް ކަމަށް ބުނެ ދިފާއުކޮށްފައެވެ.
ކޮމެންޓު ފޮނުވާ