ދިވެހިރާއްޖޭގެ 60 ވަނަ މިނިވަން ދުވަހުގެ މުނާސަބަތުގައި ކުރީގެ ރައީސް އިބްރާހިމް މުހައްމަދު ސޯލިޙް ވަނީ ގައުމީ އަދި ފަރުދީ ފުދުންތެރިކަން އިތުރުކުރުމުގެ މުހިންމުކަން ފާހަގަކުރައްވާފައެވެ. މިނިވަން ދުވަހުގެ ތަހުނިޔާ އަރިސްކުރައްވަމުން ސޯލިޙް ވިދާޅުވީ، ދިވެހިރާއްޖެ ފުރިހަމަ މިނިވަން ގައުމެއްގެ ގޮތުގައި ދެމިއޮތުމަށްޓަކައި އިގްތިސާދީ އަދި އިޖްތިމާޢީ ގޮތުން ބަލިކަށި ވުން ކޮންމެހެން ބޭނުންވާ ކަމެއް ކަމަށެވެ.
މީސްމީޑިއާގައި ހިއްސާކުރެއްވި ހާއްސަ މެސެޖެއްގައި ސޯލިޙް ވިދާޅުވީ، ގައުމާއި ރައްޔިތުންގެ ފުދުންތެރިކަން އިތުރުކުރުމަކީ މިނިވަންކަން ދަމަހައްޓަން ކުރަންޖެހޭނެ ކަމެއް ކަމަށެވެ. އަދި ދިވެހި ރައްޔިތުންނަކީ އަމިއްލަ ކަންކަމުގައި އެންމެ ފަހު ބަސް ބުނާ ބަޔަކަށް ވުމާއި، ގައުމިއްޔަތުގެ ކުރިމަގު އަމިއްލައަށް ކަނޑައަޅާ ބައެއްގެ ގޮތުގައި ދެމިތިބުމަށް ސޯލިޙް ވަނީ ދުޢާ ކުރައްވާފައެވެ.
1965 ވަނަ އަހަރުގެ ޖުލައި 26 ގައި އިނގިރޭސިވިލާތުން ދިވެހިރާއްޖެއަށް ފުރިހަމަ މިނިވަންކަން ލިބުނުތާ މިއަދާ ހަމައަށް 60 އަހަރު ފުރިހަމަވެއްޖެއެވެ. މި ތާރީޚީ ދުވަސް ފާހަގަކުރުމަށް ރާއްޖޭގެ އެކި ކަންކޮޅުތަކުގައި ގިނަ ހަރަކާތްތައް ކުރިއަށް ގެންދެވެމުން ދާއިރު، ސިޔާސީ ލީޑަރުންނާއި އާންމު ރައްޔިތުން ވަނީ މިނިވަންކަމުގެ އަގުވަޒަންކޮށް، ގައުމީ އެއްބައިވަންތަކަން ދަމަހައްޓައި ކުރިއަށް ދިއުމަށް އަޒުމް ކަނޑައަޅާފައެވެ.
ކޮމެންޓު ފޮނުވާ