ފެނަކަ ކޯޕަރޭޝަންގެ ޗެއާމަންކަމަށް ފިނޭންސް މިނިސްޓްރީގެ ސްޓޭޓް މިނިސްޓަރު ހުސެއިން ޝާމް އާދަމް މިއަދު އައްޔަންކުރައްވައިފި އެވެ. ޝާމް މި މަގާމަށް އައްޔަންކުރެއްވީ ފެނަކައިގެ ޗެއާމަންކަމުގައި ހުންނެވި އެސްޓީއޯގެ މެނޭޖިން ޑިރެކްޓަރު ޝިމާދު އިބްރާހިމް މިއަދު އެ މަގާމުން ވަކިވެވަޑައިގަތުމާއެކުއެވެ.
ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ) އިން ނެރުއްވި އެކްސް ޕޯސްޓެއްގައި ބުނެފައިވަނީ، ފެނަކައިގެ ޗެއާމަންކަމާއި ޑިރެކްޓަރުންގެ ބޯޑުގެ މެމްބަރުކަމަށް ޝާމް އައްޔަންކުރެއްވިކަމަށެވެ. މި އައްޔަންކުރެއްވުމަކީ ސަރުކާރުން ފެނަކައިގެ ހިންގުމަށް ގެންނަ ބަދަލެއްގެ ގޮތުގައި ފާހަގަކުރެވެ އެވެ.
ހުސެއިން ޝާމް އާދަމަކީ ކުރީގެ ރައީސް އަބްދުﷲ ޔާމީންގެ ސަރުކާރުގައި ފިނޭންސް މިނިސްޓްރީގެ ޑެޕިއުޓީ މިނިސްޓަރުގެ މަގާމު އަދާކުރެއްވި ބޭފުޅެކެވެ. އަދި އެ ސަރުކާރުގައި ފެނަކައިގެ ބޯޑު މެމްބަރެއްގެ ހައިސިއްޔަތުން ވެސް މަސައްކަތްކުރައްވާފައިވެ އެވެ. މިހާރު ޝާމް އަދާކުރައްވަމުން ގެންދަވަނީ ފިނޭންސް މިނިސްޓްރީގެ ސްޓޭޓް މިނިސްޓަރުކަމުގެ މަސްއޫލިއްޔަތެވެ.
ކޮމެންޓު ފޮނުވާ