ޑޮމެސްޓިކް ކެޓެގަރީގެ ކަރަންޓު ޓެރިފް ރޭޓް ކުޑަކޮށްދެއްވުމަށް ނިންމަވާފައިވާ ކަމަށާއި، މި ކަމުގައި ރައްޔިތުންނަށް ލުއިފަސޭހަކޮށްދިނުމެއް ލަޙަޟަކުރެވޭނެ ކަމުގެ ޔަޤީންކަން ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ދެއްވައިފިއެވެ.
ޕަބްލިކް ސަރވިސް މީޑިއާއަށް ދެއްވި ބަސްދީގަތުމެއްގައި ރައީސުލްޖުމްހޫރިއްޔާ އާންމުކުރެއްވީ، އަހަރުތަކެއް ވަންދެން ރައްޔިތުން ކަންބޮޑުވަމުން އައި ކަރަންޓު ބިލުގެ މައްސަލާ ހައްލުކުރުމަށް ސަރުކާރުން ވަޢުދުކުރި ފަދައިން ކަރަންޓު ބިލުތަކުން ރައްޔިތުންނަށް ލުއި ދެއްވުމަށްކަމެވެ. މިފަދަ ހަރަކާތެއް ރާއްޖޭގެ ތާރީޚުގައި ފުރަތަމަ ފަހަރަށް އަމާޒުކުރަވަމުންދާ ކަމުގައިވެސް އެމަނިކުފާނު ވިދާޅުވިއެވެ.
ހުކުރު ދުވަހުގެ ރޭގައި އެމަނިކުފާނުގެ ރަސްމީ 'އެކްސް' އެކައުންޓްގައި ޙިއްޞާ ކުރެއްވި ޕޯސްޓެއްގައި ނަން ކުރެއްވީ، ކުރިއަށް އޮތް ޖޫން މަހުގެ ފުރަތަމަ ދުވަހުން ފަށައިގެން ޑޮމެސްޓިކް ކެޓެގަރީގެ ކަރަންޓު ޓެރިފް ރޭޓްތައް ކުޑަކޮށްދެއްވުމަށާއި، މި ކަން ތަންފީޒުކުރުމުގައި ދެމެހެއްޓެނިވި ގޮތެއްގައި މެނޭޖްކުރުމަށް ކަމާބެހޭ ފަރާތްތަކުން ކުރައްވަންޖެހޭ އެންމެހައި ކަންކަން ކުރެއްވުމަށް ދަންނަވާފައިވާކަމެވެ.
ޕީ.އެސް.އެމްއަށް ދެއްވި ބަސްދީގަތުމުގައި ވާހަކަފުޅުދައްކަވަމުން ރައީސުލްޖުމްހޫރިއްޔާ ވިދާޅުވީ، ސަރުކާރެއްގެ ގޮތަކީ ރައްޔިތުންނަށް ލުއިފަސޭހަކޮށްދިނުން ކަމަށާއި، ސަރުކާރުގެ ފަރާތުން ނުވަތަ ކުންފުނިތަކެއްގެ ނާޤާބިލުކަމެއްގެ ސަބަބުން އުފެދޭ ތަކުލީފުތައް ރައްޔިތުން އުފުއްލަވަން އެދިވަޑައިނުގަންނަވާ ކަމުގައެވެ. "މީ ރާއްޖޭގެ ތާރީޚުގައި އަޅުގަނޑަށް އެނގިގެން ފުރަތަމަ ފަހަރު، މި ކަހަލަށް ކަމެއް ކުރި. މިކަން އަޅުގަނޑު މި ކުރީ ވަރަށް ސިމްޕަލްކޮށް. އަޅުގަނޑު ބޭނުމެއް ނޫން ކުންފުނިތަކުގެ އިންއެފިޝަންސީ ނޫނީ، ސަރުކާރުން އެނަރޖީ ޕޮލިސީ މެނޭޖުކުރުމުގައި ހުރި މައްސަލަތަކެއްގެ ބަރޑަން، ރައްޔިތުން ނަގާކަށް" ކަމަށް އެމަނިކުފާނު ވިދާޅުވިއެވެ.
ކަރަންޓު ޚިދުމަތް ދެމުން ގެންދާ ކުންފުނިތަކުގައި ރަނގަޅު ކުރަންޖެހޭ ކަންކަންވެސް ހުރި ކަމަށް ރައީސުލްޖުމްހޫރިއްޔާ ފާހަގަކުরެއްവީ މި ފުރުސަތުގައެވެ. ކަރަންޓު ޓެރިފް ރޭޓް ކުޑަކުރުމަށްޓަކައި ސަރުކާރުން އިޔާދަކުރަނިވި ހަކަތައިގެ ދާއިރާގައި ފުޅާ ދާއިރާއެއްގައި އިންވެސްޓްކުރުމަށް ނިންމަވާ ކަމަށް އެމަނިކުފާނު ވަރަށް ތަކުރާރުކުރެއްވިއެވެ. 2028 އަހަރާ ހިސާބަށް ރާއްޖޭގައި ބޭނުންކުރާ ހަކަތައިގެ 30 އިންސައްތައަކީ އިޔާދަކުރަނިވި މަސްދަރުތަކުން ހޯދާ ހަކަތައަށް ހެދުމުގެ ޢަމާޒާއެކު، ކަރަންޓުގެ ޚިދުމަތްދޭ ކުންފުނިތައް ހަރުދަނާކުރުމުގެ ތެރެއިން ކަރަންޓު ޓެރިފް ރޭޓް ކުޑަކުރުމުގެ ކަންކަން ބަލަހައްޓަވާނެ ކަމަށް އެމަނިކުފާނު ވިދާޅުވިއެވެ.
މިފަހުން ސަރުކާރުން ރައްޔިތުންނަށް ކަރަންޓު ބިލް ލުއިކުރުމަށް ގެންދަވާ ފިޔަވަޅުތަކުގެ ތެރޭގައި، މި ފާއިތުވި ދެ ރަމަޟާން މަހުގައި ޑޮމެސްޓިކް ރޭޓުގައި ހުންނަ ގޭބިސީތަކުގެ ކަރަންޓު ބިލާއި ފެން ބިލުތަކަށް ޑިސްކައުންޓު ދެއްވާފައިވާކަން އާންމުގޮތެއްގައި ބަޔާންވެފައިވެއެވެ. ރޯދަމަހުގެ ކަރަންޓު ބިލްތަކަށް ޑިސްކައުންޓު ދެއްވުމާއި އެކު އެ ބިލުތައް ނުދެއްކި ގިނަދުވަސް ވެގެން އަރާފައިވާ ޖޫރިމަނާ މަޢާފުކޮށްދިނުމަށްވެސް ސަރުކާރުން ނިންމަވާފައެވެ. ހުރި ވަނަ އެ ވަނަ އޭޕްރީލް މަހުގެ ކަރަންޓު ބިލުތަކަށްވެސް ހޫނު ގަދަވާ މޫސުމުގެ ސަބަބުން ކަރަންޓު ބޭނުން އިތުރުވިކަމާ ގުޅިގެން މާބޮޑު ލުޔެއް ގޭބިސީތަކަށް ދެއްވިކަން ސަރުކާރުން ވަނީ އާންމުކޮށްފައެވެ.
ކޮމެންޓު ފޮނުވާ