ހ.ތަކަންދޫއަށް އުފަން އަލީ ޒަމީރު ގަބޫލުކުރެވޭ ގޮތުގައި އެއީ ޓެސްލާ ކާރެއް ޓެކްސީއެއްގެ ގޮތުގައި ބޭނުންކުރަން ފަށާފައިވާ ފުރަތަމަ ރާއްޖޭގެ ޓެކްސީ ޑްރައިވަރެވެ. މިއީ އަގު ބޮޑު އެމެރިކާގެ ބްރޭންޑެއްގެ ވެހިކަލެއް ރާއްޖޭގައި ޓެކްސީ ހިދުމަތަށް ބޭނުންކުރާ ފުރަތަމަ ފަހަރެވެ.
25 އަހަރަށްވުރެ ގިނަ ދުވަހު ޓެކްސީ ޑްރައިވަރެއްގެ ގޮތުގައި މަސައްކަތްކޮށްފައިވާ އަލީ، 'އަވަސް ރައިޑް' އެޕް މެދުވެރިކޮށް ބުކިންގ ބަލައިގަނެއެވެ. އޭނާ ބުރާސްފަތި ދުވަހު އޭނާގެ ފަރުމާ ރީތި ޓެސްލާ މޮޑެލް 3 ކާރު ޓެކްސީ ނަންބަރު ޕްލޭޓާއެކު ބޭނުންކުރަން ފަށާފައިވެއެވެ.
ޓެސްލާއަކީ ކުޑަ ކޮމްޕެކްޓް އިލެކްޓްރިކް ވެހިކަލެއް ކަމާއި، ސްމާޓް ޑިޒައިނާއި ޔޫޒަރއަށް އަމާޒުކޮށްފައިވާ އެތެރެ ތަނަވަސްކަމާއި ފުޅާ ދުރު ފެންނަގޮތަށް ހަދާފައިވާ ފަސޭހައިން ދަތުރުކުރެވޭ ކާރެކެވެ. އަދި އޭގެ ކުޑަ ސައިޒަށް ބަލާއިރު، އެކަށީގެންވާ ޖާގަ ލިބޭ ވެހިކަލެކެވެ.
ބައެއް މީޑިއާތަކަށް މައުލޫމާތު ދެމުން އަލީ މަޖާއަކަށް ބުނެފައިވަނީ، މި މަތީ ފަންތި ކާރު ބޭނުންކުރި ނަމަވެސް، އޭނާ އަދިވެސް އޭާ ޚިދުމަތް ދޭނީ ސަރުކާރުން ކަނޑައަޅާފައިވާ ޓެކްސީ އަގަށް ކަމަށެވެ.
އޭނާ ބުނި ގޮތުގައި، އޭނާ 'އަވަސް ރައިޑް' މެދުވެރިކޮށް ބުކިންގ ބަލައިގަންނަ ކަމަށާއި، ނަމަވެސް ޓެސްލާގައި މާލެ ތެރޭގައި މަޑުމަޑުން ދުއްވާ ދަތުރުތައް ކުރަން ބޭނުންވާ ފަރާތްތަކަށް ކުރިއަށް ބުކިންގ ކުރުމުގެ އިންތިޒާމްވެސް ހަމަޖައްސައިދޭ ކަމަށާއި އެފަދަ ދަތުރުތަކުގެ އަގު ވާހަކަދައްކައިގެން ހަމަޖެއްސޭނެ ކަމަށެވެ.
އެމެރިކާގެ އޮޓޯމޭކަރ ޓެސްލާ އަކީ، އެވަގުތަކާއި އެންމެ ގުޅޭ ޓެކްނޮލޮޖީ އާއި ޚާއްސަކޮށް އިލެކްޓްރިކް ވެހިކަލްތަކާއި އޮޓޯޕައިލޮޓް ފަދަ އެޑްވާންސްޑް ޑްރައިވަރ-އެސިސްޓަންސް ސިސްޓަމްސްއަށް މަޝްހޫރު ކާރެކެވެ. ޓެސްލާއަކީ އީލޮން މަސްކް ހިންގާ ކުންފުންޏެކެވެ.
ރާއްޖޭގައި އެތައް ބަޔަކު ޓެސްލާ ވެހިކަލް ބޭނުންކުރި ނަމަވެސް، އާންމު ޗާޖިންގ ސްޓޭޝަންތައް ނެތުމަކީ ހުރަހެއްކަމުގައި ފާހަގަ ވެފައި އޮވެއެވެ.
ކޮމެންޓު ފޮނުވާ