އައްޑޫ ސިޓީގެ ހިތަދޫ ކުޅިއެއް ކަމަށްވާ "އާރިކިޅި" އަށް ވެއްޓި މަރުވެފައި އޮތް މީހަކު ފެނިއްޖެއެވެ.
ފުލުހުންގެ މީޑިއާ އޮފިޝަލް ބުނީ އައްޑޫ އާރި ކިޅީގައި ހަބަރު ހުސްވެފައި އޮތް މީހަކު އޮތްކަމުގެ މައުލޫމާތު ފުލުހުންނަށް މިއަދު ހެނދުނު 09:33 ގައި ލިބުނުކަމަށާ، އެމީހާ ހޮސްޕިޓަލަށް ގެންދިޔަ އިރު ވެސް ވަނީ ނިޔާވެފައި ކަމަށް އައްޑޫ އިކުއެޓޯރިއަލް ހޮސްޕިޓަލާ ހަވާލާދީ ފުލުހުން ބުނެއެވެ.
މައުލޫމާތު ލިބިފައިވާ ގޮތުގައި ކުޅި ތެރޭގައި މަރުވެފައި އޮއްވާ ފެނުނު މީހާ ފެނުނީ ހިތަދޫގައި ހުންނަ އައްޑޫ ހައި ސްކޫލް ފުރަގަހުން އާރިކިޅި ބްރިޖް ސަރަހައްދުންނެވެ.
އެމީހާއަކީ ބިދޭސީ ފިހެނެއް ކަމަށާ، އެ މައްސަލަ މިހާރު ގެންދަނީ ފުލުހުން ތަހުގީގު ކުރަމުން ކަމަށް ވެސް ފުލުހުންގެ މީޑިއާ އޮފިޝަލް ބުންޏެވެ.
