ޚަބަރުގައި ބަޔާންކޮށްފައިވާ ގޮތުން، ރައީސް މުޙައްމަދު މުޢިއްޒު "އަދަދު" ނޫހުގެ ސީއީއޯ އަދި ނޫސްވެރިޔާ ޙުސައިން ފިޔާޒު މޫސާއަށް އިންޒާރުދިން ކަމަށް ބުނާ މައްސަލައިގައި ރައީސް އޮފީހާއެކު ބައްދަލުކުރުމަށް މޯލްޑިވްސް މީޑިއާ ކައުންސިލް (އެމްއެމްސީ) އިން އެދިފައިވެއެވެ.
"އަދަދު" ނޫހުން ނެރުނު ބަޔާނުގައި ބުނެފައިވާ ގޮތުން، ރައީސް ފިޔާޒަށް ފޯނުންގުޅައި އިންޒާރުދިން މައްސަލަ ވަނީ ފުލުހުންނަށް ހުށަހަޅާފައެވެ. މި މައްސަލައާއި ގުޅިގެން އެމްއެމްސީއިން ވަނީ ފިޔާޒުއާ ބައްދަލުކޮށްފައެވެ.
އެމްއެމްސީން މި މައްސަލަ ތަޙުޤީޤުކޮށްދީ ފިޔާޒަށް ރައްކާތެރިކަން ފޯރުކޮށްދިނުމަށް ފުލުހުންގެ ޚިދުމަތުގައި އެދިފައިވާ ކަމަށާއި، ހިއުމަން ރައިޓްސް ކޮމިޝަން، ނޭޝަނަލް ކައުންޓަރ ޓެރަރިޒަމް ސެންޓަރު، ރާއްޖޭގައި ހުންނަ އ.ދ.ގެ އޮފީސް އަދި ޔޫއެންއޯޑީސީ ފަދަ އިދާރާތަކުގެ ސަމާލުކަމަށް ވެސް މި މައްސަލަ ގެނެސްފައިވާ ކަމަށް ވެއެވެ.
ރައީސް އޮފީހުން މި މައްސަލައާ ގުޅޭގޮތުން މިހާތަނަށް އެއްވެސް ބަހެއް ބުނެފައިނުވާކަން ފާހަގަކޮށްފައިވެއެވެ.
