ފަސްޓް ލޭޑީ ސާޖިދާ މުޙައްމަދު ސޯޝަލް މީޑިއާގައި އެކްސް ޕްލެޓްފޯމުގައި ހަރަކާތްތެރިވުމަށް ފައްޓަވައިފިކަން ފާހަގަކުރެވިއްޖެއެވެ. ނިމިދިޔަ އަހަރުގެ ޖުލައި މަހު އެކްސް އަދި ފޭސްބުކްގައި އެކައުންޓްތައް ހުޅުއްވާފައިވާ ފަސްޓް ލޭޑީ، އެންމެ ފަހުން ޕޯސްޓްކުރެއްވީ ސިޔާސީ މައްސަލައަކާ ގުޅިގެންނެވެ.
ފަސްޓް ލޭޑީގެ އެންމެ ފަހުގެ ޕޯސްޓްގައި، އެމްޑީޕީގެ އެކްޓިވިސްޓް މަރިޔަމް ޒުބައިރު (މަންދީ) ގެ ގަޔަށް ކަޅުތެޔޮ ޖެހި ހާދިސާ ހަރުކަށި އިބާރާތުން ކުށްވެރިކުރައްވާފައިވެއެވެ. މި ޕޯސްޓްގައި ފަސްޓް ލޭޑީ ވިދާޅުވެފައިވަނީ "އެފަދަ ހަމަލަތަކާއި ފުރައްސާރަކުރުންތަކަކީ އެއްގޮތަކަށްވެސް ބަލައިގަނެވޭނެ ކަމެއް ނޫން" ކަމަށެވެ.
I strongly condemn the act of splashing black oil on MDP activist Mariyam Zubair last night. Such attacks and harassment are completely unacceptable. I call on everyone to avoid escalating tension at a time like this and allow for the process of justice to be facilitated.
— First Lady Sajidha Mohamed (@sajidhaamohamed) March 17, 2025
ފާހަގަކޮށްލެވޭ ކަމަކީ ފަސްޓް ލޭޑީ އެކްސް އަދި ފޭސްބުކް ދެ ޕްލެޓްފޯމްގައިވެސް ބޭނުންކުރައްވާފައިވަނީ އެއް ފޮޓޯއެއް ކަމެވެ. އަދި މި ޕްލެޓްފޯމްތަކުގައި ސިޔާސީ މައްސަލަތަކާ ގުޅޭގޮތުން ފަސްޓް ލޭޑީގެ ހަރަކާތްތެރިކަން އިތުރުވެފައިވާކަން ފާހަގަކުރެވެއެވެ.
މިއީ ފަސްޓް ލޭޑީ ސާޖިދާ މުޙައްމަދު ސޯޝަލް މީޑިއާގައި އާންމުކޮށް ހަރަކާތްތެރިވުމުގެ ފެށުންކަމަށް ގިނަ ފަރާތްތަކުން ފާހަގަ ކުރެއެވެ.
