އަދާކުރަމުންދާ ވަޒީފާއިން ވަކިކޮށް، ވަޒީފާގެ ބިރު ދައްކައިގެން ކުރަމުންދާ މަސައްކަތް ހުއްޓުވައި ނުލެވޭނެކަމަށް ޝައިޚު ޑރ.މުހައްމަދު އިޔާޒު ވިދާޅުވެއްޖެއެވެ.
ސޯޝަލް މީޑިޔާގައި ފަހަކަށް އައިސް ވަރަށް ފާޅުކަން ބޮޑުކޮށް، ސިޔާސީ ބޭފުޅުން ދައްކަވާ ވާހަތަކަށާއި، އިސްލާމްދީނާއި ޚިލާފަށް ކުރެވޭ ކަންކަމުގައި ފާޑު ވިދާޅުވެ ވާހަކަދައްކަވާތީ ޝައިޚް އިޔާޒަށްދަނީ އެކި ގޮތްގޮތުން ފިއްތުންތައް ކުރިމަތި ކުރަމުންނެވެ. ޝައިޚް އިޔާޒުގެ މިމަސައްކަތް ހުއްޓުވުމަށް ދެމުންދާ އިޒާރުތަކަށް އިޝާރާތްކޮށް ވިދާޅުވީ އެފަދަ ކަންކަންކޮށް ބިރު ދައްކައިގެން ފަހަތަކަށް ނުޖެއްސޭނެކަމަށެވެ.
ވަޒީފާއިން ވަކިކޮށްފާނެ ކަމުގެ ބިރު ދައްކައިގެން އަޅުގަނޑު ކުރާ މަސައްކަތެއް ހުއްޓުވައެއް ނުލެވޭނެ. އިންޝާ ﷲ. ރިޒުޤު ދެއްވާނީ ﷲ.
– ޝައިޚް ޑރ.އިޔާޒު ވިދާޅުވިއެވެ.
ޑރ.އިޔާޒު އަދާކުރައްވަމުން ގެންދަނީ އިސްލާމިކް ޔުނިވާސިޓީގެ ލެކްޗަރާއެއްގެ ވަޒީފާއެވެ. ޑރ.އިޔާޒަށް މިފަދަ ޕްރެޝަރުތައް ކުރިމަތިވެފަވާއިރު، އިޔާޒު ގެންދަވަނީ އެމްޑީޕީގެ ރައީސް މުހައްމަދު ނަޝީދަށް ވަރަށް ފާޅުކަން ބޮޑުކޮށް ޓުވިޓާގައި ރައްދު ދެއްވައި، ރައީސް ނަޝީދު ކްރިމަސް ދުވަހާއި ގުޅިގެން ދެއްކެވި ވާހަތަކަށްވެސް ވަރަށް ބޮޑަށް ފާޑުވިދާޅުވެފައެވެ. ޑރ. އިޔާޒުވަނީ ރައީސް ނަޝީދަށް އެކި ފަހަރުމަތީން ތައުބާވުމަށްވެސް ގޮވާލާފައެވެ.
ޑރ.އިޔާޒުގެ ވާހަކަތަކާއި ގުޅިގެން ސޯޝަލް މީޑީޔާގައި އެމްޑީޕީގެ އިސްބޭފުޅުން އިޔާޒަށް ބަހުގެ ހަމަލާތައް ދަނީ ދެއްވަމުންނެވެ. ނަމަވެސް ޑރއިޔާޒުވަނީ ދީނާއި ޚިލާފަށް ކުރެވޭ ކަންކަމާއި، ދައްކަވާ ވާހަތަކަށް ހައްގު ބަސް ބުނުމުގައި ދެމި ހުންނަވާނެކަމަށް ތަކުރާރުކޮށް ވިދާޅުވެފައެވެ.
ކޮމެންޓު ފޮނުވާ