އިލެކްޝަންސް ކޮމިޝަނުން މޯލްޑިވްސް ރިފޯމް މޫވްމަންޓް (އެމްއާރްއެމް) އުވާލުމަށް ނިންމި ނިންމުމާ ގުޅިގެން، ގާނޫނާއި ގަވާއިދާ ޚިލާފަށް އެއްވެސް ފަރާތަކުން ކުރާ އަމަލެއް ބަލައި ނުގަންނާނެކަމުގައި ކުރީގެ ރައީސް އަލްއުސްތާޒު މައުމޫން އަބްދުލްގައްޔޫމް ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ، އެމަނިކުފާނު އިސްވެ ހުންނަވާ އުފެއްދި ސިޔާސީ ޕާޓީ އެމްއަރުއެމް އުވާލުމަށް އީސީން ނިންމުމާިއ ގުޅިގެން އެކްސްގައި ކުރެއްވި ޕޯސްޓެއްގައެވެ.
އިލެކްޝަންސް ކޮމިޝަނުން އިއްޔެ ހާމަކުރި ގޮތުގައި، ސިޔާސީ ޕާޓީގެ ގާނޫނުގައި ބަޔާންކޮށްފައިވާ މަދުވެގެން 3000 މެންބަރުން ހަމަކުރުމަށް ދެވުނު މުއްދަތުގައި އެމްއާރްއެމްއިން އެ އަދަދު ހަމަނުކުރުމާ ގުޅިގެން، އެ ޕާޓީ އުވާލައި ސިޔާސީ ޕާޓީތަކުގެ ދަފްތަރުން އުނިކުރުމަށް ވަނީ ނިންމާފައެވެ.
މީގެ ކުރިންވެސް އެމްއާރްއެމްގައި ގާނޫނުން ލާޒިމްކުރާ އަދަދަށް މެންބަރުން ނެތުމާ ގުޅިގެން އިލެކްޝަންސް ކޮމިޝަނުން ވަނީ އެ ޕާޓީ އުވާލުމަށް ނިންމާފައެވެ. ނަމަވެސް އޭރު އެމްއާރްއެމްއިން ކޯޓަށް ހުށަހެޅި މައްސަލައިގައި ކޯޓުން ވަނީ އިލެކްޝަންސް ކޮމިޝަނުގެ އެ ނިންމުން ބާތިލްކޮށްފައެވެ.
