ހިންމަފުށީ ކައުންސިލްގެ އަންހެން މެންބަރު ވަފިއްޔާ އިބްރާހިމް، މިއަދު ހަވީރު ކަރަންޓުގައި ޖެހުމާ ގުޅިގެން އިތުރު ފަރުވާއަށް މާލެ ގެނެވިއްޖެއެވެ. ކައުންސިލް އިދާރާގެ އިސްވެރިއަކު ބައެއް މީޑިއަތަކަށް މައުލޫމާތު ދީފައިވާ ގޮތުގައި، މި ހާދިސާ ހިނގީ ކަރަންޓު ބޯޑަށް ހަރުކޮށްފައި ހުރި ކޮމްޕިއުޓަރުގެ ވާގަނޑުގެ ޓޮޕް ނައްޓާލަން އުޅުމުގެ ތެރޭގައެވެ.
ވާރޭވެހި، ތެމިފައި ހުރި ވަފިއްޔާގެ އަތުގައި ފެން ހުރި ނަމަވެސް، އޭރު ކަރަންޓު ސުވިޗު އޮފްކޮށްފައި އޮތުމުގެ ސަބަބުން އޭނާއަށް ލިބުނު ގެއްލުން އެހާ ބޮޑެއް ނޫނެވެ. އެހެންނަމަވެސް، ކުއްލި ޝޮކެއް ލިބުމާ ގުޅިގެން އިތުރު ފަރުވާއަށްޓަކައި އޭނާ ވަނީ މާލެ ގެނެވިފައެވެ.
މިހާރު މުޅި ރާއްޖެއަށް ކުރަމުންދާ ވިއްސާރައިގެ ސަބަބުން ހިންމަފުށީ ކައުންސިލް އިދާރާގެ ތެރެއަށާއި މުޅި ރަށަށް ވަނީ ފެންބޮޑުވެފައެވެ. މީގެ އިތުރުން، ބައެއް ގޭގެއިން ކަރަންޓު ކެނޑިފައިވާކަން ވެސް ކައުންސިލް އިދާރާގެ ހާމަކޮށްފައި ވެއެވެ.