ކްރިމިނަލް ކޯޓުން މިއަދު އިއްވި ހުކުމެއްގައި ކުޑަކުއްޖަކާ އެކު ޖިންސީ ގުޅުން ހިންގި މީހެއްގެ މައްޗަށް 25 އަހަރުގެ ޖަލު ހުކުމެއް އިއްވައިފި އެވެ.
ދައުލަތުން 2020 ޑިސެމްބަރު 17 ގައި ދައުވާ އުފުލި މި މައްސަލައިގެ ދަޢުވާ ލިބުނު މީހާއަކީ ނަސްރުﷲ ފާއިޒު އެވެ. މައްސަލައިގައި ކުޑަކުއްޖެއްގެ މަސްލަހަތު ހިމެނޭތީ، ހާދިސާ ހިނގި ތަނާއި އިތުރު ތަފްސީލުތައް ކޯޓުން ހާމަކޮށްފައެއް ނުވެ އެވެ.
މިދިޔަ ޑިސެމްބަރު 30 ވަނަ ދުވަހު އިއްވި ހުކުމުގައި، ނަސްރުﷲ ފާއިޒުގެ މައްޗަށް އުފުލުނު ތިން ދަޢުވާގެ ތެރެއިން ދެ ދަޢުވާ ވަނީ ސާބިތުވެފައެވެ. އޭގެ ތެރޭގައި ޖިންސީ ނިޔަތެއް އޮވެގެން ކުޑަކުއްޖެއްގެ ހަށިގަނޑުގައި އަތްލުމުގެ ކުށުގެ ދައުވާއަށް 15 އަހަރުގެ ޖަލު ހުކުމަކާއި، ކުޑަކުއްޖަކު އިތުބާރުކުރަންޖެހޭ މަގާމެއްގައި ހުރެ، އެ ކުޑަކުއްޖާއާއެކު ޖިންސީ އަމަލެއް ހިންގުމުގެ ކުށުގެ ދައުވާއަށް 10 އަހަރުގެ ޖަލު ހުކުމެއް ހިމެނެ އެވެ. ނަމަވެސް އޮރިޔާންކާޑު ގެންގުޅުނު ކަމުގެ ދައުވާ އޭނާގެ މައްޗަށް ސާބިތެއް ނުވި އެވެ.
