ދިވެހިރާއްޖެއިން 2025 ވަނަ އަހަރަށް މަރުހަބާ ކިޔުމުގެ ގޮތުން ރޭ ހުޅުމާލޭގައި ހާއްސަ ޝޯއެއް ބާއްވައިފިއެވެ.
އެގޮތުން ހުޅުމާލެ ސެންޓްރަލް ޕާކުގައި ރޭ ބޭއްވި މޯލްޑިވްސް ކަލްޗާ އެންޑް ފުޑް ފެސްޓިވަލުގައި ޑްރޯން ޝޯއަކާއެކު ހަވާ އަރުވައި، ބޮޑުބެރާއި ސަގާފީ ނެށުންތައް ގެނެސްދިނެވެ.
މި ފުޑް ފެސްޓިވަލް މިއަދު ހަވީރުވެސް ކުރިއަށް ގެންދިއުމަށް ހަމަޖެހިފައިވާއިރު، ރޭގެ ޝޯ ބަލާލުމަށް ގިނަ އަދަދެއްގެ އާންމުން ވަނީ ހުޅުމާލެ ސެންޓްރަލް ޕާކު ސަރަހައްދަށް ޖަމާވެފައެވެ.
