އައު އަހަރަށް ރާއްޖެއަށް ޒިޔާރަތްކުރި މަހުޖަނުންގެ ޖެޓުގެ އަދަދު 8 އިންސައްތަ އިތުރުވެފައިވާކަމަށް މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނެފިއެވެ.
އެމްއޭސީއެލްގެ ތަފާސްހިސާބުތަކުން ދައްކާގޮތުގައި މި ޑިސެމްބަރު މަހު ވެލާނާ އިންޓަރނޭޝަނަލް އެއަރޕޯޓުގައި 148 ޖެޓު ޖައްސާފައިވެއެވެ. މިއީ މިދިޔަ އަހަރުގެ މި މުއްދަތާ އަޅާބަލާއިރު 8 އިންސައްތައިގެ އިތުރުވުމެކެވެ. އަދި މުޅި އަހަރަށް ބަލާއިރު، މިދިޔަ އަހަރުގެ ޑިސެމްބަރު 28 ގެ ނިޔަލަށް 2،107 ޖެޓު މޫވްމަންޓްސް ރެކޯޑުކުރެވިފައިވާއިރު، މިއަހަރުގެ އެ މުއްދަތުގައި 2،326 ޖެޓު މޫވްމަންޓްސް ރެކޯޑުކުރެވި، މުޅި އަހަރަށް 10 އިންސައްތައިގެ ކުރިއެރުމެއް ވަނީ ލިބިފައެވެ.
އެމްއޭސީއެލްއިން އިތުރަށް ހާމަކުރި ގޮތުގައި މިދިޔަ އަހަރުގެ ޑިސެމްބަރު 28 ގެ ނިޔަލަށް 137 ޖެޓު މޫވްމަންޓް ރެކޯޑުކުރެވިފައިވާއިރު، މިއަހަރުގެ އެ މުއްދަތުގައި 148 ޖެޓު މޫވްމަންޓް ރެކޯޑުކުރެވި، 8 އިންސައްތައިގެ ކުރިއެރުމެއް ވަނީ ހޯދިފައެވެ. މިހާރު ވެލާނާ އިންޓަރނޭޝަނަލް އެއަރޕޯޓުގައި ޖެޓުތަކަށް ޚާއްޞަކޮށްފައިވާ ސަރަޙައްދުގައި އެއްފަހަރާ 68 ޖެޓު ޕާކުކުރެވޭނެ ޖާގަ ހުރިކަން ވެސް ފާހަގަކުރެވެއެވެ.
