އެމްޓީސީސީން ހައިސްޕީޑް ލޯންޗްތައް ބަނދެދޭނެ ފަރާތެއް ހޯދުމަށް އަލުން އިޢުލާން ކޮށްފިއެވެ.
މި އިޢުލާނަކީ ކުންފުންޏަށް ބޭނުންވާ 10 ހައިސްޕީޑް އުޅަނދު ޑިޒައިންކޮށް، ކޮންސްޓްރަކްޝަން އަދި ސަޕްލައިކުރުމަށް ކުރިން ކުރި އިޢުލާން ބާޠިލްކުރުމަށްފަހު ކުރި އިޢުލާނެކެވެ.
މި މަސައްކަތަށް ޝައުޤުވެރިވާ ފަރާތްތަކަށް މަޢުލޫމާތު ސާފުކުރުމުގެ ބައްދަލުވުން އޮންނާނީ ޖެނުއަރީ 7 ވަނަ ދުވަހުގެ 11:00 ގައި ޒޮނެއިރިޔާ ބިލްޑިންގގެ 3 ވަނަ ފަންގިފިލާގައި ހުންނަ ޕްރޮކިއުމަންޓް ޑިވިޜަންގެ މީޓިންގ ރޫމުގައެވެ. އަދި އަންދާސީ ހިސާބު ހުށަހެޅުމަށް ހަމަޖެހިފައިވަނީ ޖެނުއަރީ 2 ވަނަ ދުވަހުގެ 11:00 ގައި ހަމަ އެތަނުގައެވެ. އަންދާސީ ހިސާބު ހުށަހަޅަންވާނީ ބަންދުކުރެވިފައިވާ ސިޓީއުރައެއްގައެވެ.
އެމްޓީސީސީން މިހާރުވެސް ދަނީ ރާއްޖޭގެ ގިނަ ސަރަޙައްދުތަކެއްގައި ހައިސްޕީޑް ފެރީގެ ޚިދުމަތް ފޯރުކޮށްދެމުންނެވެ. އާރުޓީއެލްގެ ނަމުގައި މި ޚިދުމަތް މިހާރު ލިބެމުންދަނީ ހއ. އަތޮޅު، ހދ. އަތޮޅު، ށ. އަތޮޅު، ނ. އަތޮޅު، ޅ. އަތޮޅު، ގއ. އަތޮޅު، ގދ. އަތޮޅުގެ އިތުރުން ފުވައްމުލައް ސިޓީ އަދި އައްޑޫ ސިޓީއަށެވެ.
