ތ. ތިމަރަފުށީގައި ފަސް މީހުންގެ ގްރޫޕަކުން އިއްޔެ ގެއަކަށް ވަދެ މާރާމާރީ ހިންގި މައްސަލައިގައި ފަސް މީހުން ހައްޔަރުކޮށްފި އެވެ. އެ މައްސަލަ އިއްޔެ މެންދުރު 1:27ގައި ފުލުހުންނަށް ހުށަހަޅާފައިވާ ކަމަށް ފުލުހުން އިއްޔެ ބުނެފައި ވެއެވެ.
އެކަމާ ގުޅޭ ގޮތުން ފުލުހުން މިއަދު ބުނީ ކޯޓު އަމުރެއްގެ ދަށުން މިހާރު ފަސް މީހުން ހައްޔަރުކޮށްފައިވާ ކަމަށެވެ. އެ މީހުންނަކީ އަހްމަދު އަމީން، 36، ޖަހާމުގުރިގެ/ތިމަރަފުށި، އަހްމަދު ޝަހުދީ، 38، ސަލްވާ/ތިމަރަފުށި، މުހައްމަދު ރައޫފު، 54، ވ. ވާވަތް އަދި އަބްދުﷲ އަޝްރަފް، 39، ގުލްބަކާ ވިލާ/ތިމަރަފުށި އާއި އާސް އިބްރާހިމް، 32، ހިރި/ތިމަރަފުށި އެވެ.
އެ މާރާމާރީގައި އެއްވެސް މީހަކަށް އަނިޔާވި ކަމެއް ނުވަތަ ނޫން ކަމެއް ފުލުހުން އަދި ހާމައެއް ނުކުރެ އެވެ. ފުލުހުން ބުނީ އެ މައްސަލަ ތަހުގީގްކުރަމުންދާ ކަމަށެވެ.
