ރާއްޖޭގައި ހިންގަމުންދިޔަ އަދި ހަށިވިއްކުމުގެ ވިޔަފާރިއާ ގުޅިގެން 9 ބިދޭސީއަކު ވަނީ އިމިގްރޭޝަންގެ ބެލުމުގެ ދަށަށް ގެނެވިއްޖެއެވެ. މީގެ ތެރޭގައި ހިމެނެނީ 7 އަންހެނުންނާއި އެޖެންޓުންގެ ގޮތުގައި މަސައްކަތްކުރި 2 ފިރިހެނުންނެވެ.
އިމިގްރޭޝަނާއި ފުލުހުން ގުޅިގެން ހިންގި ޚާއްސަ އިންސްޕެކްޝަންތަކެއްގައި މި ބިދޭސީން ހޯދާފައިވާއިރު، މިހާރު ވަނީ މި މައްސަލަ ތަޙުޤީޤުކޮށް ނިމިފައެވެ.
ތަޙުޤީޤަށްފަހު، މީގެ ތެރެއިން 3 އަންހެނުން ވަނީ ރާއްޖެ އަނބުރާ ނާދެވޭ ގޮތަށް ޑިޕޯޓްކޮށްފައެވެ. އަދި ބާކީ ތިބި 6 ބިދޭސީން ޑިޕޯޓްކުރުމުގެ މަސައްކަތް މިހާރުދަނީ ކުރިއަށެވެ.
މި މައްސަލައާ ގުޅޭގޮތުން އިމިގްރޭޝަނުން ވިދާޅުވީ، ޤާނޫނާ ޚިލާފަށް ހިންގާ މިފަދަ ޙަރަކާތްތަކާ ދެކޮޅަށް އަޅަންޖެހޭ ފިޔަވަޅުތައް އަޅަމުންދާނެ ކަމަށެވެ. އަދި މިފަދަ ކަންކަމުގައި އެއްވެސް ފަރާތަކުން އެހީތެރިވެދޭނަމަ، އެފަރާތްތަކާމެދުވެސް ޤާނޫނީ ފިޔަވަޅު އަޅާނެކަމަށް ބަޔާން ކޮށްފައިއެވެ.
