އެމްޓީސީސީގެ ފަރާތުން ތ. އަތޮޅާއި ލ. އަތޮޅާއިދެމެދު ފެށުމަށް ނިންމާފައިވާ ލޯންޗް ފެރީގެ ހިދުމަތް ރޭ އިފްތިތާޚްކޮށްފި އެވެ.
ހިދުމަތް ރޭ ލ. އަތޮޅުގައި އިފްތިތާޚްކޮށް ފުރަތަމަ ދަތުރު މިއަދު ކުރުމަށް ވަނީ ހަމަޖެހިފައެވެ. ތ. އަދި ލ. އަތޮޅާއި ދެމެދެ ފަށާ ލޯންޗް ފެރީގެ ޙިދުމަތް ދޭ ރޫޓްގައި ހިމެނޭ ރަށްތަކަކީ ތ. ވޭމަންޑޫ، ތ. ތިމަރަފުށި އަދި ލ. ގަމެވެ. އެގޮތުން މި ޚިދުމަތުގައި ތ. ވޭމަންޑޫއިން ތ. ތިމަރަފުއްޓަށް އެއްކޮޅު ޓިކެޓުގެ އަގަކީ 75.00 ރުފިޔާ އަދި ދެކޮޅު ޓިކެޓުގެ އަގަކީ 150.00 ރުފިޔާއެވެ. އަދި ތ.ވޭމަންޑޫ އަދި ތ. ތިމަރަފުށިން ލ. ގަމަށް އެއްކޮޅު ޓިކެޓުގެ އަގަކީ 250.00 ރުފިޔާ އަދި ދެކޮޅު ޓިކެޓުގެ އަގަކީ 400.00 ރުފިޔާއެވެ.
ތ އަދި ލ އަތޮޅާއި ދެމެދު މި ޚިދުމަތް ހަފުތާއަކު 4 ދުވަހު (ހޮނިހިރު، އާދީއްތަ، އަންގާރަ، ބުރާސްފަތި) ފޯރުކޮށްދިނުމަށް އެމްޓީސީސީން ވަނީ ނިންމާފައެވެ.
މި ހިދުމަތް ފެށުމަށްޓަކައި އިކޮނޮމިކް މިނިސްޓަރ ފައްޔާޒް އިސްމާއީލާއި ޓްރާންސްޕޯޓް މިނިސްޓަރ އައިޝަތު ނަހުލާގެ އިތުރުން ލ.ގަމު ދާއިރާގެ މަޖިލީސް މެމްބަރު މުޙައްމަދު ވިސާމާއި ލ. ފޮނަދޫ ދާއިރާގެ މަޖިލީހުގެ މެމްބަރު މޫސާ ސިރާޖްގެ ފަރާތުން ލިބުނު އެއްބާރުލުން އެމްޓީސީސީން ފާހަގަ ކުރެއެވެ.
